ရွှေဖီမြေ၊ ဇန်နဝါရီ ၅ ရက်၊ နမ့်ခမ်း
တအာင်းဂီတနဲ့ရုပ်ရှင်အစည်းအရုံးနဲ့ တတ်သိပညာရှင်တို့ ပူးပေါင်းပြီး ဖွင့်လှစ်နေတဲ့ တအာင်းအနုပညာ အကယ်ဒမီကျောင်း- TAA ဒုတိယအသုတ် ထပ်မံ ဖွင့်လှစ်မှာဖြစ်ပြီး လျှောက်လွှာတွေ စတင်ခေါ်ယူနေပြီ ဖြစ်ပါတယ်။
၃ နှစ်ကြာ တက်ရောက်ရမှာဖြစ်ပြီး ကျောင်းသူ ကျောင်းသား ၃ဝ ဦးကို လက်ခံသင်ကြားပေးသွားမှာဖြစ်ကြောင်း သင်တန်းကျောင်းခေါ်စာထဲ ဖော်ပြထားပါတယ်။
တက်ရောက်လိုသူတွေအနေနဲ့ လာမယ့် ဖေဖော်ဝါရီ ၁၅ ရက် နောက်ဆုံးထားကာ လျှောက်ထားရမှာဖြစ်ပြီး တက်ရောက်အောင်မြင်ပြီးရင် အနုပညာဆိုင်ရာ ဒီပလိုမာဘွဲ့ ပေးအပ်မှာ ဖြစ်ပါတယ်။
ပထမအသုတ် သင်တန်းကျောင်းကို ပြီးခဲ့တဲ့ ၂ဝ၂၄ ခုနှစ် ဇန်နဝါရီ ၁၅ ရက်မှာ ဖွင့်လှစ်ခဲ့တာဖြစ်ပြီး ကျောင်းသူကျောင်းသား ၃ဝ ဦး တက်ရောက်သင်ကြားနေပါတယ်။
