ရွှေဖီမြေ၊ ဇန်နဝါရီ ၁၆ ရက်၊ အမ်း
ရခိုင်ပြည်နယ် အမ်းမြို့နယ်ကနေ ထွက်ပြေးလာတဲ့ စစ်ကောင်စီတပ်ကို အရှိုချင်းတပ်- Asho CDF က တိုက်ခိုက်ရာ ၅ ဦး သေဆုံးပြီး ၁၂ ဦးကို အရှင်ဖမ်းမိခဲ့ပါတယ်။
ဖမ်းဆီးရမိသူအပြင် လက်နက်ငယ် ၁၅ လက်၊ စိန်ပြောင်း ၁ လက်နဲ့ ခဲယမ်းတွေလည်း သိမ်းဆည်းရမိကြောင်း Asho CDF က ဒီနေ့ ဇန်နဝါရီ ၁၆ ရက်မှာ ထုတ်ပြန်လာပါတယ်။
စစ်တပ်နဲ့ Asho CDF တို့အကြား တိုက်ပွဲဟာ ဇန်နဝါရီ ၁၃ ရက်နဲ့ ၁၄ ရက်မှာ ဖြစ်ပွားခဲ့တာဖြစ်ပြီး ထွက်ပြေးလွတ်မြောက်နေတဲ့ စစ်သားတွေကို ရှာဖွေနေဆဲဖြစ်ကြောင်း ထုတ်ပြန်ချက်ထဲ ဖော်ပြထားပါတယ်။
