မိုင်းအရှိုင်း၊ စက်တင်ဘာ ၁၄ ရက်၊ ကနီ
စစ်ကိုင်းတိုင်း ကနီမြို့နယ် ချောင်းမကျေးရွာထဲမှာ တစ်ပတ်အကြာ တပ်လာစွဲထားတဲ့ စစ်ကောင်စီစစ်ကြောင်းကို ချင်းတွင်းနွေဦးတော်လှန်ရေးတပ်ဖွဲ့က ဝင်ရောက်တိုက်ခိုက်ခဲ့ရာ စစ်ကောင်စီတပ်သား ၆ ဦးသေဆုံးသွားခဲ့ပြီး ၄ ဦးကို အရှင်ဖမ်းမိထားတယ်လို့ သိရပါတယ်။
တော်လှန်ရေးတပ်ဘက်က တပ်ဖွဲ့ဝင်တစ်ဦးက “ဟုတ်တယ်။ ကျနော်တို့ တိုက်ထုတ်လိုက်တော့ သူတို့ ခွေးပြေးဝက်ပြေး ပြေးရတာပေါ့ဗျာ။ ဖမ်းမိတာ တပ်ကြပ်တစ်ယောက်လည်းပါတယ်” ဆိုပြီး ရွှေဖီမြေကို ပြောပါတယ်။
တိုက်ပွဲဟာ ပြီးခဲ့တဲ့ စက်တင်ဘာ ၁၁ ရက်က ဖြစ်ပွားခဲ့တာဖြစ်ပြီး စစ်ကောင်စီတပ်ရဲ့ အဲဒီစစ်ကြောင်းကို ခြေမြန်တပ်ရင်းရဲ့ ဗိုလ်မှူးဖြစ်သူ သူရိန် ဦးဆောင်တဲ့ စစ်ကြောင်းတစ်ခုဖြစ်တယ်လို့ ဆိုပါတယ်။
“သူတို့စစ်ကြောင်းက မုံရွာ နမခ ကနေထွက်လာတဲ့စစ်ကြောင်းပဲဗျ။ တပ်မ၃၃ လက်အောင်ခံ ခမရ(၁၆) ဗိုလ်မှူး သူရိန်ဦးဆောင်တဲ့ စစ်ကြောင်းပါဗျ။”
အဲဒီစစ်ကြောင်းက စစ်အင်အား တစ်ရာကျော်ရှိပြီး ကနီမြို့နယ် ချောင်းမကျေးရွာထဲကို တပ်စွဲပြီး ၁ ပတ်အကြာမှာ တော်လှန်တပ်တွေဖက်က တိုက်ထုတ်နိုင်ခဲ့တာဖြစ်ပါတယ်။
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
