ရွှေဖီမြေ၊ စက်တင်ဘာ ၉ ရက်၊ ကန့်ဘလူ
စစ်ကိုင်းတိုင်းဒေသကြီး ကန့်ဘလူမြို့နယ်မှာ ကင်းလှည့်လာတဲ့ စစ်ကောင်စီနဲ့ ပျူစောထီးတပ်သား ၁၇ ဦးခန့်ကို ပြည်သူ့လွတ်မြောက်ရေးတပ်မတော် (PLA) နဲ့ တော်လှန်ရေးပူးပေါင်းတပ်တွေက ကြားဖြတ်တိုက်ခိုက်ခဲ့ပြီး စစ်ကောင်စီတပ်ဘက်က ၇ ဦး သေဆုံးခဲ့တယ်လို့ PLA က ဒီနေ့ စက်တင်ဘာ ၉ ရက်မှာ ထုတ်ပြန်ထားပါတယ်။
မနေ့ စက်တင်ဘာ ၈ ရက် မနက် ၈ နာရီ ဝန်းကျင်မှာ လှည့်ကင်းထွက်လာတဲ့ စစ်ကောင်စီနဲ့ ပျူစောထီး ပူးပေါင်းတပ်ကို ၀က်တိုးရွာနဲ့ ကာဘိုးရွာကြားမှာ တော်လှန်ရေးပူးပေါင်းတပ်တွေဘက်က ကြားဖြတ်တိုက်ခိုက်ခဲ့တာ ဖြစ်တယ်လို့ ဆိုပါတယ်။
တိုက်ပွဲအတွင်း စစ်ကောင်စီတပ်သား ၇ ဦး သေဆုံးခဲ့ပြီး ကာဘိုင် (၂) လက်၊ MA-1 (၁) လက်၊ G-3 (၁) လက် နဲ့ ပြောင်းချော (၁) လက် သိမ်းဆည်းနိုင်ခဲ့တယ်လို့ ထုတ်ပြန်ထားပါတယ်။
အဆိုပါ ကင်းလှည့်လာတဲ့ စစ်ကောင်စီစစ်ကြောင်းကို PLA နဲ့အတူ ကန့်ဘလူလှုပ်ရှားအဖွဲ့ (ပကဖ)၊ ရေဦးမြို့နယ် ပြည်သူ့ကာကွယ်ရေးအဖွဲ့ (ပကဖ) နဲ့ တန့်ဆည်မြို့နယ် ပြည်သူ့ကာကွယ်ရေးအဖွဲ့ (ပကဖ) တို့က ပူးပေါင်းတိုက်ခိုက်ခဲ့ကြတာ ဖြစ်ပြီး တော်လှန်ရေးပူးပေါင်းတပ်ဘက်က အထိခိုက်မရှိဘူးလို့ ဆိုပါတယ်။
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
