ပို့လဘား၊ ဖေဖော်ဝါရီ ၁၁ ရက်၊ ညောင်ရွှေ
ရှမ်းတောင် ညောင်ရွှေမြို့မှာ စစ်ကောင်စီတပ်ရဲ့ လက်နက်ကြီး ပစ်ခတ်မှုကြောင့် ကျေးရွာဒေသခံတွေ ထွက်ပြေးတိမ်းရှောင်နေရတယ်လို့ ဒေသခံတစ်ဦးက ရွှေဖီမြေကို ပြောပါတယ်။
ညောင်ရွှေမြို့နယ်ရဲ့ တချို့ကျေးရွာမှာ စစ်တပ်နဲ့ စစ်ကောင်စီ လက်အောာက်ခံ ပအိုဝ်းပြည်သူ့စစ်- PNO က လက်နက်ကြီး နေ့စဉ် ပစ်ခတ်တာကြောင့် ဒေသခံတွေ ထွက်ပြေးတိမ်းရှောင်နေရတယ်လို့ ဆိုပါတယ်။
“တိုက်ပွဲကတော့ မဖြစ်ဘူးဗျ။ အဲဒီတံတားဘက်၊ နယ်စပ်ဘက်ကပဲ။ အဲဒီအနောက်ဘက် ဖယ်ခုံဘက်က သူတို့ လက်နက်ကြီးပစ်လာနေကြတာ။ နေ့တိုင်း ဆက်တိုက် ပစ်နေတော့ ဘယ်သူမှ မနေရဲကြတော့ဘူး။ အကုန်ထွက်ပြေးတိမ်းရှောင်နေကြတာ”
စစ်တပ်က ပစ်ခတ်တဲ့ လက်နက်ကြီးကြောင့် ထွက်ပြေးတိမ်းရှောင်သူတွေဟာ ဘုရားတောင် လယ်နွဲရွာ၊ ညောင်လေးပင်နဲ့ ရေပူရွာက ဒေသခံတွေ ဖြစ်တယ်လို့ ဆိုပါတယ်။
ပြီးခဲ့တဲ့ ဖေဖော်ဝါရီ ၅ ရက်မှာ ရေပူရွာအနီးက ဘုရားတောင် လွယ်နွှဲရွာထဲ စစ်တပ်ရဲ့ လက်နက်ကြီး ပစ်ခတ်မှုကြောင့် ဒေသခံ ၃ ဦး သေဆုံးပြီး ၆ ဦး ထိခိုက်ဒဏ်ရာ ရရှိခဲ့တယ်လို့ အဆိုပါအမျိုးသားက ဆက်ပြောပါတယ်။
