ရွှေဖီမြေ၊ ဧပြီ ၁၅ ရက်
မကွေးတိုင်း စလင်း-စေတုတ္တရာ လမ်းပေါ်ရှိ စစ်ကောင်စီရဲ့ ၁၈ မိုင်စခန်းကုန်းကို ပခုက္ကူခရိုင်တပ်ရင်းတွေ ပူးပေါင်းတိုက်ခိုက်ကာ သိမ်းပိုက်နိုင်ခဲ့ကြောင်း ပခုက္ကခရိုင် အမှတ် ၁၇ တပ်ရင်းက မနေ့ ဧပြီ ၁၄ ရက် ည ၉ နာရီခန့်မှာ ထုတ်ပြန်လာပါတယ်။
ပခုက္ကူခရိုင် တပ်ရင်းဘက်က ရဲဘော်တစ်ဦး ကျဆုံးခဲ့ပြီး ၄ ဦး ဒဏ်ရာ ရခဲ့သလို ပခုက္ကူခရိုင် အမှတ် ၁၇ တပ်ရင်းမှ ရဲဘော်တစ်ဦးလည်း ထိခိုက်ဒဏ်ရာ ရရှိခဲ့တယ်လို့ ဆိုပါတယ်။
ဧပြီ ၁၂ ရက်က တိုက်ခိုက်သိမ်းပိုက်နိုင်ခဲ့တာဖြစ်ပြီး စစ်သုံ့ပန်း ၄ ဦးကို ဖမ်းဆီးရမိခဲ့ပြီးတော့ လက်နက်ငယ် ၅ လက် (MA-1 ၂ လက်၊ MA-3 ၂ လက်၊ M-79 ၁ လက်)နဲ့ ခဲယမ်းတချို့ကို သိမ်းဆည်းရမိခဲ့တယ်လို့ ထုတ်ပြန်ချက်ထဲ ဖော်ပြထားပါတယ်။
စခန်းသိမ်း တိုက်ပွဲကို ပခုက္ကူခရိုင် အမှတ်(၂)တပ်ရင်းမှ စစ်ကြောင်းမှူး ဦးဆောင်ပြီး ပခုက္ကူခရိုင် အမှတ် ၆၊ ၇၊ ၁၄၊ ၁၅၊ ၁၇ တပ်ရင်း၊ မြိုင်ပကဖနဲ့ မင်းဘူးခရိုင် အမှတ်(၁) တပ်ရင်းက ပူးပေါင်းတိုက်ခိုက်ခဲ့ကြောင်း ဆက်လက် ဖော်ပြထားပါတယ်။
