ရွှေဖီမြေ၊ မတ်လ ၃၀ ရက်၊ ပျော်ဘွယ်
ငလျင်ဒဏ်ကြောင့် ထိခိုက်သေဆုံးမှုများတဲ့ မန္တလေးတိုင်းထဲက ပျော်ဘွယ်မြို့နယ်မှာ သေဆုံးသူ အလောင်း ၁၆၀ ကျော် တွေ့ရှိထားပြီး ဒဏ်ရာရသူ ၁၁၆ ဦး ရှိတယ်လို့ မီးသတ်ဦးစီးဌာနက ထုတ်ပြန်ထားပါတယ်။
ဒီနေ့ မတ်လ ၃၀ ရက် မနက်အထိ သေဆုံးသူ ၁၆၁ ဦး၊ ဒဏ်ရာရသူ ၁၁၆ ဦး၊ စေတီ ၂ ဆူ၊ ဘုန်းကြီးကျောင်း ၃ ကျောင်းနဲ့ နေအိမ်အဆောက်အအုံ ၁၀၇ လုံး ပျက်စီးခဲ့ပြီး ရှာဖွေကယ်ဆယ်ရေး ဆက်လုပ်နေတယ်လို့ ဆိုပါတယ်။
မတ်လ ၂၉ ရက် မနက်ပိုင်းအထိ စစ်ကောင်စီရဲ့ ထုတ်ပြန်ချက်အရ မန္တလေးတိုင်းမှာ သေဆုံးသူ ၈၃၈ ဦး၊ ဒဏ်ရာရရှိသူ ၁,၆၇၀ ဦး၊ ပျောက်ဆုံးနေသူ ၆၈ ဦးရှိနေပြီး သေဆုံးသူရဲ့ စာရင်းတွေကို ဆက်လက် ကောက်ယူနေပြီးတော့ အရေအတွက် ထပ်တိုးလာနိုင်ပါတယ်။
မတ်လ ၂၉ ရက် ညနေပိုင်းအထိ နိုင်ငံတစ်ဝန်းမှာ ငလျင် လှုပ်ခတ်မှုကြောင့် သေဆုံးသူ ၁,၆၄၄ ဦးနဲ့ ဒဏ်ရာရသူ ၃,၄၀၈ ဦး ရှိလာပြီလို့ စစ်ကောင်စီက ထုတ်ပြန်ထားပါတယ်။
