ရွှေဖီမြေ၊ နိုဝင်ဘာ ၄ ရက်၊ ကွတ်ခိုင်
ပြီးခဲ့တဲ့ နိုဝင်ဘာ ၁ ရက် ညက တအာင်းတပ်-PSLF/TNLA ထိန်းချုပ်ထားတဲ့ ကွတ်ခိုင်မြို့မှာ အချုပ်ခန်းကနေ အချုပ်သား ၃၇ ဦး ထောင်ဖောက်ပြေးခဲ့တဲ့ဖြစ်စဉ် ဖြစ်ပွားခဲ့တယ်လို့ ရွှေဖီမြေက စုံစမ်းသိရှိရပါတယ်။
ဖြစ်စဉ်ဟာ အချုပ်ခန်းကို လုံခြုံရေး ပေးနေတဲ့ ကင်းသမား အပြောင်းအလဲ လုပ်နေချိန် အချုပ်သားတွေ ထောင်ဖောက်ပြေးခဲ့ကြတာလို့ ဖြစ်စဉ်သိရှိသူတစ်ဦးက ပြောဆိုပါတယ်။
“ကင်းသမားတွေ လူအချိန်းအပြောင်း လုပ်နေတဲ့အချိန် အပြင်မှာ ထုတ်ထားတဲ့ တရားခံတွေက တံခါးသော့ကို ရိုက်ချိုးပြီးတော့မှ အပေါက် ပွင့်သွားပြီးတော့မှ အထဲကလူတွေ ထွက်ပြေးသွားကြတာ”
နိုဝင်ဘာ ၂ ရက်မှာ ထွက်ပြေးသွားတဲ့ အချုပ်သား ၃၇ ဦးထဲက ၁ ဦးကိုတော့ ပစ်ခတ်နိုင်ပေမဲ့ ကျန်အချုပ်သားတွေက ထွက်ပြေးလွတ်မြောက်နေဆဲ ဖြစ်ပါတယ်။
လက်ရှိ အချုပ်ခန်းထဲ အချုပ်သားတချို့ ကျန်ရှိနေဆဲဖြစ်ပြီး အရေအတွက်ကိုတော့ မသိရသေးပါဘူး။
ထွက်ပြေးလွတ်မြောက်သွားတဲ့ တရားခံအများစုဟာ ခိုးဆိုးလုနှိုက်သူတွေ ဖြစ်ကြတယ်လို့ ပြောဆိုပေမဲ့ TNLA ဘက်ကတော့ တစုံတရာ ထုတ်ပြန်ထားခြင်း မရှိသေးပါဘူး။
~ ~ ~
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှု နားဆင်နိုင်ပါတယ်။
