မိုင်းပန်ပျော်၊ မေလ ၃၀ ရက်၊ သိန္နီ
၁၀၂၇ စစ်ဆင်ရေး ပထမလှိုင်းတုန်းက ကျိုးကျသွားခဲ့တဲ့ ရှမ်းမြောက် လားရှိုး-မူဆယ် ပြည်ထောင်စုလမ်းမပေါ်မှာရှိတဲ့ သိန္နီမြို့အဝင် သိန္နီတံတားကို ကိုးကန့်တပ်မတော်-MNDAA တပ်က ပြန်လည်ပြုပြင်ပြီးစီးခဲ့ပြီလို့ ဒေသခံတွေက ရွှေဖီမြေကိုပြောပါတယ်။
သိန္နီမြို့အဝင် သိန္နီတံတားကို မနေ့ မေလ ၂၉ ရက်မနက်ပိုင်းမှာ ပြန်လည်ပြုပြင်ပြီးစီးခဲ့ပြီး MNDAA တပ်က တံတားဖွင့်ပွဲပြုလုပ်ခဲ့ပြီး ကားတွေအကုန်လုံးဖြတ်သန်းသွားလာခွင့်ပြုပြီလို့ ဒေသခံအမျိုးသားတစ်ဦးက ရွှေဖီမြေကိုပြောပါတယ်။
“ဟုတ်တယ် သိန္နီတံတားက ပြင်တာပြီးသွားပြီ ဖွင့်ပွဲလည်း မနေ့က လုပ်ပြီးသွားပြီ။ ကားတွေအကုန်လုံး ဖြတ်လို့ရပြီအခု”
ပြီးခဲ့တဲ့ ၂၀၂၄ ခုနှစ်မှာ MNDAA တပ်က သိန္နီတံတားကို ပြန်လည်ပြုပြင်ခဲ့ပေမယ့် အိမ်စီးကားနဲ့ ၆ ဘီးကားလောက်သာဖြတ်သန်းခွင့်ပြုပြီး ကုန်တင်ကားအကြီးစားတွေကိုတော့ ဖြတ်သန်းခွင့်မပေးခဲ့ပါဘူး။
ပြီးခဲ့တဲ့ ၂၀၂၃ ခုနှစ် အောက်တိုဘာလ ၁၀ ရက် မနက်ပိုင်းမှာ လားရှိုး-မူဆယ် ပြည်ထောင်စုလမ်းမပေါ်ရှိ သိန္နီတံတားကို ကျိုးကျပျက်ဆီးသွားခဲ့ပါတယ်။
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
