ရဲမာန်၊ အောက်တိုဘာ ၇ ရက်၊ မုံရွာ
စစ်ကိုင်းတိုင်း မုံရွာ-ချောင်းဦးနယ်စပ် မုံရွာ-အမြန်လမ်းတစ်နေရာမှာ ဆီးမီးသပိတ်ပြုလုပ်နေတဲ့ ပြည်သူတွေကို စစ်ကောင်စီတပ်က ဗုံးကြဲတိုက်ခိုက်မှုပြုလုပ်ခဲ့တယ်လို့ ဒေသခံအမျိုးသားတစ်ဦးက ရွှေဖီမြေကို ပြောပါတယ်။
မနေ့ စက်တင်ဘာ ၆ ရက် သီတင်းကျွတ်လပြည့် ည ၈ နာရီဝန်းကျင်မှာ စက်တပ်လေထီးနဲ့ ဗုံး ၂ လုံး ကြဲချတိုက်ခိုက်ခဲ့တာကြောင့် ပြည်သူ ၄၀ ဦးသေဆုံးပြီး ၇၀ ကျော်ဒဏ်ရာရရှိတယ်လို့ ၎င်းက ပြောပါတယ်။
“ဆီမီးသပိတ်ပြုလုပ်တဲ့နေရာက အန္တရာယ်အတော်များတဲ့နေရာပါ။ အနားမှာ စစ်ကောင်စီ ဂိတ်စခန်းတွေပတ်လည်ဝိုင်းနေတဲ့နေရာ ဒေသတစ်ခုပါ။ သာမန်အချိန်နေ့ရက်တောင် ကြိုကြားကြိုကြား ဒရုန်းကင်းထောက် ဒရုန်းနဲ့ ဗုံးသီးမကြာခနကြဲချ လက်နက်ကြီးတွေ မကြာခနရမ်းသမ်းထုခံနေရတဲ့ အရပ်ဒေသပတ်ဝန်းကျင်ပါ။ သေဆုံးသူတွေထဲမှာ သုံးတန်း လေးတန်း ကလေးတွေ အများဆုံးသေတာဘဲ”
စစ်ကောင်စီတပ်ရဲ့ လေကြောင်းတိုက်ခိုက်မှုကြောင့် နေရာမှာတင် ၂၀ ဦးသေဆုံးပြီး ဒီနေ့ အောက်တိုဘာ ၇ ရက်အရောက်မှာတော့ ၄၀ ဦးထိ သေဆုံးမှုမြင့်တက်လာခဲ့တယ်လို့ ၎င်းကဆိုပါတယ်။
“တချို့ဆို ရှာမတွေ့ဖြစ်နေတယ်။ခြေဖြတ်ရလက်ဖြတ်ရတာတွေလည်းအများကြီးဘဲ။ ပြေးရင်းလွားရင်းဒဏ်ရာနဲ့ တစ်ခြားနေရာမှာ ဝေဒနာခံစားနေရလား သေနေမလား မသိအောင်ပါ။ ဆီမီးသပိတ်ဦးဆောင်ပြုလုပ်သူဟာ ဦးနှောက်မရှိမတွေးခေါ်တတ်တာလားလို့ဘဲ နောက်ဆုံးပြောချင်ပါတယ်” လို့ အထက်ပါ အမျိုးသားကပြောပါတယ်။
၎င်းတိုက်ခိုက်မှုကြောင့် သွေးတွေအရေးပေါ်လိုအပ်နေတဲ့ပြီး ဒဏ်ရာရရှိသူတွေနဲံ သေဆုံးသူတွေလည်း ထပ်တိုးလာနိုင်တယ်လို့ ၎င်းက ဆက်ပြောပါတယ်။
~ ~ ~
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှု နားဆင်နိုင်ပါတယ်။
