ဇူလိုင် ၂၉၊ ရွှေဖီမြေ
ဒီနေ့ ဇူလိုင် ၂၉ရက်နေ့ တအာင်းတပ်-PSLF/TNLA ထိန်းချုပ်ထားတဲ့ မိုးကုတ်မြို့အရှေ့ပိုင်းကို စစ်ကောင်စီတပ်က ဂျက်ဖိုက်တာ လေယာဉ် ၂စီးနဲ့ ဗုံးကြဲတိုက်ခိုက်သွားခဲ့ပါတယ်။
မနက် ၉နာရီခွဲအချိန်မှာ ၁စီးလာရောက်ကြဲချခဲ့ပြီးနောက် ၉နာရီ ၅၀မိနစ်ဝန်းကျင်မှာ နောက်တစ်စီးက ထပ်မံကြဲချခဲ့တာ ဖြစ်ပါတယ်။
“မိုးတအားရွာနေတဲ့ကြားကနေ ကြဲသွားတယ်။ အလုံးရေတော့များတယ်။ မိုးနဲ့ဆိုတော့ မသိရဘူး။ အထက (၂)နားမှာ ကျတယ်ပြောတယ်။ လူနာတင်ယာဉ်တွေတော့ သွားပြီ”လို့ ဆိုပါတယ်။
လူဦးရေ ထိခိုက်မှုအခြေအနေကိုတော့ ရွှေဖီမြေက ဆက်လက်စုံစမ်းနေဆဲ ဖြစ်ပါတယ်။
ပြီးခဲ့တဲ့ ဇူလိုင် ၂၆ရက်နေ့မှာလည်း မိုးကုတ်မြို့ ရွှေလိပ်ပြာဟိုတည်ကို ဗုံးကြဲတိုက်ခိုက်လို့ ၁ဦးသေဆုံးပြီး ၃ဦး ဒဏ်ရာရခဲ့ပါတယ်။
အလားတူ ဇူလိုင် ၉ ရက်မှာလည်း မိုးကုတ်မြို့ အရှေ့ပိုင်းရှိ ပန်းမထိပ်ဘက်ကို စစ်ကောင်စီတပ်က ဂျက်ဖိုက်တာနဲ့ ဗုံးကြဲချတိုက်ခိုက်ခဲ့တာကြောင့် ကလေးငယ် ၂ ဦးသေဆုံးခဲ့ပါတယ်။
ဒါ့အပြင် ဇူလိုင် ၈ ရက်မှာလည်း မိုးကုတ်မြို့နဲ့ ကျောက်မဲမြို့ကို စစ်ကောင်စီတပ်က လေကြောင်းကနေ ဗုံးကြဲတိုက်ခိုက်တာကြောင့် ဒေသခံ ၄ ဦးသေဆုံးပြီး ၉ ဦး ထိခိုက်ဒဏ်ရာရှိခဲ့ပါတယ်။
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
