ရွှေဖီမြေ၊ ဇူလိုင် ၃၁ ရက်
စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင် ယာယီသမ္မတ တာဝန်ယူထားတဲ့ အမျိုးသားကာကွယ်ရေးနဲ့ လုံခြုံရေးကောင်စီက တော်လှန်ရေးတပ်တွေ ထိန်းချုပ်ထားတဲ့ မြို့နယ်ပေါင်း ၆၃ ခုကို အရေးပေါ်အခြေအနေကြေညာကြောင်း ထုတ်ပြန်လာပါတယ်။
အရေးပေါ်ကြေညာထား မြို့နယ် ၆၃ ခုကို ကာလုံမှာ ယာယီသမ္မတ တာဝန်ယူထားတဲ့ မင်းအောင်လှိုင်က စစ်ခေါင်းဆောင် ဗိုလ်ချုပ်မှူးကြီးမင်းအောင်လှိုင်ကို အုပ်ချုပ်ရေးနဲ့ တရားစီရင်ရေးတွေကို အပ်နှင်းခဲ့ပြီး စစ်အုပ်ချုပ်ရေး ကြေညာလိုက်တာဖြစ်ပါတယ်။
တော်လှန်ရေးတပ်တွေကို နှိမ်နင်းဖို့၊ နယ်မြေဒေသ တည်ငြိမ်အေးချမ်းရေးနဲ့ တရားဥပဒေလုပ်ငန်းတွေကို ပိုမိုလုပ်ဆောင်နိုင်ဖို့ဆိုပြီး ၂၀၀၈ ဖွဲ့စည်းပုံ အခြေခံဥပဒေ ၄၁၂ (က)အရ အရေးပေါ်အခြေအနေ ကြေညာလိုက်ကြောင်း ဆိုပါတယ်။
ဒီအမိန့်ဟာ ရက်ပေါင်း ၉၀ အတွင်းအသက်ဝင်မှာဖြစ်တယ်လို့ အမျိုးသားကာကွယ်ရေးနဲ့ လုံခြုံရေးကောင်စီရဲ့ ထုတ်ပြန်ချက်ထဲ ဖော်ပြထားပါတယ်။
အရေးပေါ်အခြေအနေကြေညာတဲ့ မြို့နယ်တွေမှာထဲမှာ ကချင်ပြည်နယ်မှာ ၅ မြို့နယ်၊ ကယားပြည်နယ် ၃ မြို့နယ်၊ ကရင်ပြည်နယ် ၂ မြို့နယ်၊ ချင်းပြည်နယ် ၇ မြို့နယ်၊ စစ်ကိုင်းတိုင်း ၉ မြို့နယ်၊ မကွေးတိုင်း ၅ မြို့နယ်၊ မန္တလေးတိုင်း ၃ မြို့နယ်၊ ရခိုင်ပြည်နယ် ၁၄ မြို့နယ်နဲ့ ရှမ်းမြောက် ၁၅ မြို့နယ် ပါဝင်ပါတယ်။
အရေးပေါ်ကြေညာတဲ့ မြို့နယ်တွေထဲမှာ စစ်ကောင်စီနဲ့ အပစ်ရပ်ထားတဲ့ ကိုးကန့်တပ် ထိန်းချုပ်ထားတဲ့ မြို့နယ်တွေလည်း ပါဝင်သလို မိုးလားတပ် NDAA ထိန်းချုပ်ထားတဲ့ မိုင်းလားမြို့နယ်လည်း ပါဝင်တာ တွေ့ရပါတယ်။
ဒါ့အပြင် “ဝ” တပ်ဖွဲ့ UWSA ထိန်းချုပ်ထားတဲ့ ဟိုပန်မြို့ကိုလည်း အရေးပေါ်အခြေအနေ ကြေညာထားတဲ့ မြို့နယ်ထဲမှာ ပါဝင်ခဲ့ပါတယ်။
နိုင်ငံတော်အာဏာကို သိမ်းယူထားတဲ့ စစ်တပ်ဟာ အာဏာစသိမ်းချိန် အသုံးပြုခဲ့တဲ့ နိုင်ငံတော်စီမံအုပ်ချုပ်ရေးကောင်စီကို ဒီနေ့မှာ ဖျက်သိမ်းလိုက်ပြီး နိုင်ငံတော် လုံခြုံရေးနဲ့ အေးချမ်းသာယာရေးကော်မရှင်ကို ပြန်လည်ဖွဲ့စည်းခဲ့တာ ဖြစ်ပါတယ်။
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
