ပျားကြီး၊ အောက်တိုဘာ ၃၀ ရက်၊ မန္တလေး
စစ်ကောင်စီက စက်သုံးဆီ တင်ပို့မှု ကန့်သတ်ထားတဲ့ ရှမ်းမြောက်ကို ပို့ဆောင်မယ့် ဆီတင်တွဲကား ၄ စီးဟာ ဒီနေ့ နေ့လယ်ပိုင်းက မန္တလေးမှာ မီးလောင်မှု ဖြစ်ပွားခဲ့တယ်လို့ ဒေသခံတွေက ရွှေဖီမြေကို ပြောပါတယ်။
၁၆ မိုင်စစ်ဆေးရေးဂိတ်ကိုဖြတ်ကျော်နိုင်ဖို့ညှိနှိုင်းမှုတွေပြုလုပ်နေချိန် ပုသိမ်ကြီမြို့နယ်၊ စိတ်ကျန်းမာရေးဆေးရုံအနီးမှာခဏတာရပ်နားစောင့်ဆိုင်းနေချိန်အပူလွန်ကဲမှုကြောင့် ပေါက်ကွဲပြီးမီးလောင်ခဲ့တာဖြစ်ပါတယ်။
“၁၆ မိုင်မှာသွားညှိနေတုန်းနောက်မှာမီးလောင်တာ။ တစ်စီးကအရင်ဆုံးထပေါက်ပြီးကျန်တဲ့ကားတွေပါလောင်ကုန်တာ။တွဲကားတွေချည်းပဲ ၄ စီး”လို့ ဖြစ်စဥ်ကိုသိရှိသူဒေသခံတစ်ဦးကပြောပါတယ်။
စစ်ကောင်စီက နောင်ချိုမြို့နယ်ကစပြီး ရှမ်းပြည်နယ်မြောက်ပိုင်းကို စက်သုံးဆီတရားဝင်တင်ပို့ရောင်းချခွင့်ကန့်သတ်ထားတာကြောင့်လုပ်ငန်းရှင်တွေဟာစစ်ကောင်စီထိန်းချုပ်ထားတဲ့ အောက်ခြေစစ်ဆေးရေးဂိတ်မှာငွေကြေးပေးညှိနှိုင်းပြီး သယ်ယူပို့ဆောင်နေကြတာဖြစ်တယ်လို့ ၁၆ မိုင်နယ်စပ်ကုန်သွ်ရေးစစ်ဆေးရေးဂိတ်နဲ့နီးစပ်သူတစ်ဦးကအတည်ပြုပြောဆိုပါတယ်။
မီးလောင်မှုကြောင့် စက်သုံးဆီတင်နောက်တွဲယာဥ် ၄ စီးပျက်စီးခဲ့ပြီး မီးလောင်မှုကိုမန္တလေးမြို့ နယ်မြေခံမီးသတ်တွေက ၁ နာရီကျော်ကြာငြှိမ်းသတ်ခဲ့ရတာဖြစ်ပါတယ်။
~ ~ ~
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
