မိုင်းရူပ၊ မေလ ၂၇ ရက်၊ ကွတ်ခိုင်
မနေ့ မေလ ၂၆ ရက် နေ့လည် ၃ နာရီဝန်းကျင်မှာ ရှမ်းမြောက် ကွတ်ခိုင်မြို့နယ် နမ့်ဖတ်ကာကျေးရွာ ရပ်ကွက်-၂ မှာ မီးလောင်မှုဖြစ်ပွားခဲ့တယ်လို့ ဒေသခံတွေက ရွှေဖီမြေကို ပြောပါတယ်။
“မီးလောင်တဲ့ အိမ်က ထရံအိမ်၊ အိမ်မှာ မီးမွှေးတာကနေ တစ်ဆင့် စလောင်တာ။ အချိန်မှီ မီးငြိမ်းနိုင်လို့ တခြားအိမ်တော့ မီးကူးတာမရှိဘူး။ အဲတစ်အိမ်ပဲ လောင်သွားတာ” လို့ နမ့်ဖတ်ကာကျေးရွာခံတစ်ဦးက ရွှေဖီမြေကို ပြောပါတယ်။
မီးလောင်သွားတဲ့နေအိမ်ကို ဒေသခံတွေ မီးဝိုင်းငြိမ်းခဲ့ရပြီး ပျက်စီးဆုံးရှုံးမှု တန်ဖိုးကိုတော့ မသိရသေးပါဘူး။
ပြီးခဲ့တဲ့ မေလ ၁၂ ရက်မှာလည်း ရှမ်းမြောက် နမ္မတူမြို့ ရပ်ကွက်(၄)ရှိ နေအိမ်တစ်ခုမှာ လျှပ်စစ်ဝါယာမီးကြိုးရှော့ ဖြစ်ရာကနေတစ်ဆင့် နေအိမ်မီးလောင်မှု ဖြစ်ပွားခဲ့ပါတယ်။
ပြီးခဲ့တဲ့ ဧပြီလအတွင်း တအာင်းတပ်မတော်-PSLF/ TNLA ထိန်းချုပ်နယ်မြေမှာ မီးလောင်မှု (၈)ကြိမ်ဖြစ်ပွားခဲ့ပြီး ကျပ်သိန်းပေါင်း (၅၆ဝ)ကျော် မီးလောင်ဆုံးရှုံးခဲ့တယ်လို့ TNLA ရဲ့ စာရင်းအရ သိရပါတယ်။
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
