ရွှေဖီမြေ၊ ဧပြီ ၁၇ ရက်၊ မိုးကုတ်
မန္တလေးတိုင်း မိုးကုတ်မြို့အရှေ့ပိုင်း ဒီနေ့ နှစ်ဆန်းတစ်ရက်နေ့ ဧပြီ ၁၇ ရက် မနက် ၁ဝ နာရီ ၈ မိနစ်မှာ ဗုံးကြဲတိုက်ခိုက်ခံခဲ့ရပါတယ်။
သတင်းရင်းမြစ်တစ်ဦးက “အရှေ့ပိုင်းကို ကြဲတာ။ တစ်ချက် ကြားလိုက်တယ်။ အသံက ကျယ်တယ်။ ထိခိုက်မှုတော့ မသိရသေးဘူး” လို့ ပြောပါတယ်။
မစိုးရိမ်အောက်နဲ့ မင်းတံတားအနီး၊ နန်းနွဲ့ဘက် ကြဲခံရတာဆိုပြီးတော့လည်း မိုးကုတ်လူမှုကွန်ရက်မှာ ရေးသားနေကြပြီး ကြဲခံရတဲ့နေရာ အတိအကျကိုတော့ မသိရသေးပါဘူး။
သင်္ကြန်မတိုင်ခင် ဧပြီ ၅ ရက်ကလည်း မိုးကုတ်မြို့အနောက်ပိုင်း ပင့်ကူတောင်ခြေအနီး လေကြောင်းကနေ ဗုံးကြဲတိုက်ခိုက်ခဲ့ပါတယ်။
