ရွှေဖီမြေ၊ ဧပြီ ၁၆ ရက်
စစ်အာဏာသိမ်းပြီးနောက် တော်လှန်ရေး ၄ နှစ်တာအတွင်း ရဲဘော် ၉၁ ဦး ကျဆုံးခဲ့တယ်လို့ ချင်းအမျိုးသားအဖွဲ့ချုပ်/ချင်းအမျိုးသား ကာကွယ်ရေးတပ်ဖွဲ့- CNDF က ထုတ်ပြန်လာပါတယ်။
တပ်ဖွဲ့ ထူထောင်ခြင်း ၄ နှစ်ပြည်တဲ့နေ့ ဧပြီ ၁၃ ရက်မှာ ထုတ်ပြန်တာဖြစ်ပြီး ကျဆုံးသူအပြင် ၆၃ ဦးက မသန်စွမ်း ဖြစ်ခဲ့ကြောင်း ဖော်ပြထားပါတယ်။
လေးနှစ်တာအတွင်း တိုက်ပွဲပေါင်း ၁၇ဝ ကြိမ်ကို ဆင်နွှဲခဲ့ပြီး CNDF တစ်ဖွဲ့တည်းအနေနဲ့ စခန်းသိမ်းတိုက်ပွဲ ၂ ကြိမ်အပါအဝင် စခန်းသိမ်းတိုက်ပွဲ ၁၃ ကြိမ် ပါဝင်တိုက်ခိုက်ခဲ့တယ်လို့ ဆိုပါတယ်။
ချင်းပြည်စုစည်းတည်ထောင်နိုင်ပြီး ဖက်ဒရယ်ပြည်ထောင်စု ပေါ်ပေါက်လာဖို့အတွက် ICNCC, NUCC, CRPH, NUG အပြင် တိုင်းရင်းသား တော်လှန်ရေးတပ်နဲ့ ပူးပေါင်းဆောင်ရွက်သွားမယ်လို့လည်း ထုတ်ပြန်ချက်ထဲ ရေးသားထားပါတယ်။
