မြတ်နိုး၊ မေ ၂၂၊ ဖားကန့်
ကချင်ပြည်နယ်၊ မိုးညှင်းခရိုင်၊ ဖားကန့်မြို့နယ်၊ လုံးခင်းကျေးရွာအုပ်စု၊ လယ်ပြင်ဘက်ကနေ ၅ မိုင်၊ ၆ မိုင်ဘက် အင်အားဖြည့် စစ်ကြောင်းထိုးလာတဲ့ စစ်ကောင်စီ တပ်ဖွဲ့ နဲ့ KIA ပူးပါင်းတပ်ဖွဲ့တို့ တိုက်ပွဲ ဖြစ်ပွားနေကြောင်း ဒေသခံတွဆီက သိရပါတယ်။
“လုံးခင်း၊ လယ်ပြင်ကနေ ၅ မိုင်၊ ၆ မိုင်ဘက် အင်ကြားဖြည့် စစ်ကြောင်း ထိုးလာတဲ့ စစ်ကောင်စီ စစ်ကြောင်းကို KIA နဲ့ ပူးပါင်း တော်လှန်ရေးတပ်ဖွဲ့တွေက ကြားကနေ ဖြတ်ချနေတယ်” လို့ ရှေ့တန်းနဲ့ နီးစပ်သူ တစ်ဦးက ပြောပါတယ်။
ဒီနေ့ မေလ ၂၂ ရက်နေ့ မနက် ၉ နာရီ လောက်ကစပြီး တိုက်ပွဲဖြစ်ပွါးနေတာလို့ သူက ပြောပါတယ်။
“ဒီလုံးခင်းကနေ လက်နက်ကြီးသံကြားနေတာ ၂ ရက်လောက်ရှိပြီ။ လယ်ပြင်မှာတော့ မဟုတ်ဘူး။ လုံးခင်းနဲ့ လယ်ပြင်က နီးနီးလးပဲ။” လို့ တိုက်ပွဲအနီးရှိ ဒေသခံ တစ်ဦးက ပြောပါတယ်။
မနေ့က ဖားကန့်လမ်းဘက် စစ်ကြောင်းထိုးလာနေတဲ့ စစ်ကောင်စီ စစ်ကြောင်းတွေက ပျားအုံဘက် ထွက်ပေါ်လာလို့ KIA ပူးပါင်းတပ်ဖွဲ့နဲ့ အဲဒီ ပျားအုံရွာအနီးဝန်းကျင်အနီးမှာ တိုက်ပွဲပြင်းထန်ခဲ့ပြီး စစ်ကောင်စီဘက်က လေကြောင်းနဲ့လည်း ဗုံးတွေ လာရောက်ကြဲချတိုက်ခိုက်ခဲ့တယ်လို့ ဆိုပါတယ်။
စစ်ကောင်စီဘက်က ခြေလျင်ထက် ဒရုန်းနဲ့ လေကြောင်းကို အဓိကသုံးပြီး စစ်ကြောင်း ပြန်ထိုးလာတာဖြစ်တယ်လို့ ဆိုပါတယ်။
မနေ့ မေလ ၂၁ ရက်နေ့ မှာပဲ ဖားကန့်ဘက် စစ်ကြောင်း ၂ ကြောင်းနဲ့ ချီတက်လာတဲ့ စစ်ကောင်စီ စစ်ကြောင်းဟာ လဝါး – ကာမိုင်း -နန့်ယား – ဖားကန့်လမ်းပိုင်းရှိ တံတားညီနောင် ထိရောက်ရှိလာပြီး အဲဒီ တံတားညီနောင်မှာ KIA နဲ့ ပူးပေါင်းတပ်ဖွဲ့တွေက ထပ်မံပိတ်ဆို့တိုက်ခိုက်ခဲ့ပြီး တိုက်ပွဲက နေ့တိုင်းပြင်းထန်နေကာ လက်ရှိ စစ်ကောင်စီတပ်တွေက တံတားညီနောင်ကိုကျော်လာပြီလို့ ဆိုပါတယ်။
KIA နဲ့ ပူးပေါင်း တော်လှန်ရေးတပ်ဖွဲ့တွေ ထိန်းချုပ်ထားတဲ့ လဝါး – ကာမိုင်း – နန့်ယား – ဖားကန့်လမ်းပိုင်းနဲ့ အင်းတော်ကြီး – ဖားကန့်လမ်းပိုင်း ကို စစ်ကောင်စီက ပြန်လည်ထိန်းချုပ်နိုင်ရန် ပြည်သူ့စစ် ပူးပါင်း အင်အား ၆၀၀ ခန့်က ဖားကန့်ဘက် စစ်ကြောင်းထိုးနေတာ ၁ လ နီးပါး ရှိနေပြီ ဖြစ်ပါတယ်။
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
