လွေးလာဝ်ဇာရ်၊ ဇန်နဝါရီ ၁၅ ရက်၊ ဆီဆိုင်
ရှမ်းတောင် ပအိုဝ်းဒေသ ဆီဆိုင်မြို့နယ် နောင်ထောဝ်ရွာထဲ စစ်ကောင်စီတပ်က ဂျက်ဖိုက်တာနဲ့ ဗုံးကြဲချခဲ့တယ်လို့ သိရပါတယ်။
မနေ့ ဇန်နဝါရီ ၁၄ ရက် နေ့လယ် ၃ နာရီဝန်းကျင်မှာ ကြဲချခဲ့တာဖြစ်ပြီး စစ်တပ်ဟာ ဂျက်ဖိုက်တာတစ်စီးနဲ့ ဗုံး ၄ ကြိမ် ကြဲချတိုက်ခိုက်ခဲ့တယ်လို့ ပအိုဝ်းတပ်မတော်- PNLA ရဲ့ ပြောရေးဆိုခွင့်ရှိသူ ခွန်ရိန်းယံက ပြောပါတယ်။
“ဟုတ်ပါတယ်။ မနေ့ ညနေခင်းမှာ ဂျက်ဖိုက်တာတစ်စီးနဲ့ ၄ ကြိမ် လာကြဲသွားတယ်”
လေယာဉ်နဲ့ လာရောက် ကြဲချချိန်မှာ နောင်ထောဝ်ရွာထဲက ရဲစခန်းနဲ့ ဓမ္မာရုံတစ်ခု ထိခိုက်ပျက်စီးသွားတယ်လို့ ခွန်ရိန်းယံက ပြောပါတယ်။
ပြီးခဲ့တဲ့ ဇန်နဝါရီ ၁၁ ရက် နေ့လယ် ၃ နာရီကလည်း ဆီဆိုင်မြို့နယ် ဖြီကျွတ်ရွာကို စစ်တပ်က ဗုံးကြဲတိုက်ခိုက်ခဲ့လို့ အရပ်သား ၂ ဦး သေဆုံးပြီး ၁ ဦး ထိခိုက်ဒဏ်ရာ ရခဲ့ပါတယ်။
