မိုင်းရူပ၊ ဇူလိုင် ၁၄ ရက်၊ သပိတ်ကျင်း
မန္တလေးတိုင်း သပိတ်ကျင်းမြို့နယ် ပိုးဇာနဲ့ ဖော့တောကျေးရွာကို စစ်ကောင်စီတပ်က ဂျက်လေယာဥ်နဲ့ ဗုံးကြဲတိုက်ခိုက်ခဲ့ရာ ကလေးငယ်အပါအဝင် ၆ ဦးသေဆုံးပြီး ၅ ဦးဒဏ်ရာရခဲ့တယ်လို့ ရွှေဖီမြေက စုံစမ်းသိရှိရပါတယ်။
ဒီနေ့ ဇူလိုင် ၁၄ ရက် နေ့လည် ၂ နာရီဝန်းကျင်မှာ စစ်ကောင်စီတပ်က တိုက်ပွဲဖြစ်ပွားတာမရှိဘဲ ပိုးဇာရွာထဲကို ဂျက်လေယာဥ်နဲ့ ဗုံးကြဲတိုက်ခိုက်ခဲ့ရာ ကလေးအပါအဝင် ၆ ဦးသေဆုံးပြီး ၁ ဦးထိခိုက်ဒဏ်ရာရခဲ့ပါတယ်။
ဒါ့အပြင် ဒီနေ့တစ်ရက်တည်းမှာပင် ဖော့တောရွာကိုလည်း စစ်ကောင်စီတပ်က ဂျက်လေယာဥ်နဲ့ ဗုံးကြဲတိုက်ခိုက်ခဲ့ရာ အရပ်သား ၄ ဦး ထိမှန်ဒဏ်ရာရခဲ့ပါတယ်။
“တိုက်ပွဲဖြစ်တာမရှိဘဲ လာကြဲတာ။ ပိုဇာမှာက လူကြီး ၃ယောက် ကလေး ၄ယောက် စုစုပေါင်း ၇ ယောက်ထိတာ။ ၆ယောက်က ဆုံးပြီ။ တစ်ယောက်က ဆေးခန်းရောက်နေတယ်။ ဖော့တောက ၄ယောက် ဒဏ်ရာရတယ်။ ၁ယောက်က လက်ချောင်းတွေ ပြတ်သွားလို့ ဆေးရုံ ပို့ထားတယ်” လို့ မြေပြင်အခြေအနေ သိရှိသူတစ်ဦးက ရွှေဖီမြေကို ပြောပါတယ်။
ဒါ့အပြင် စစ်ကောင်စီတပ်ရဲ့ ဗုံးကြဲတိုက်ခိုက်မှုကြောင့် နေအိမ်တချို့လည်း ထိမှန်ပျက်စီးခဲ့တယ်လို့ သိရပါတယ်။
စစ်ကောင်စီတပ်ဟာ သပိတ်ကျင်းမြို့နယ်ရှိ ၎င်းလက်လွတ်ထားရတဲ့ နေရာတွေကို လေကြောင်းနဲ့ ဗုံးကြဲတာတွေ မကြာခဏပြုလုပ်နေပြီး အရပ်သားသေဆုံးမှုတွေလည်း ဆက်ရှိနေပါတယ်။
ပြီးခဲ့တဲ့ ဇူလိုင် ၁၂ ရက်မှာလည်း စစ်ကောင်စီတပ်ဟာ သပိတ်ကျင်းမြို့နယ် လိပ်ကျရွာနဲ့ ဇရပ်ကွင်းရွာ လေကြောင်းနဲ တိုက်ခိုကိခဲ့ရာ အရပ်သား ၄ ဦး ထိခိုက်ဒဏ်ရာရခဲ့ပါတယ်။
စစ်ကောင်စီတပ်ဘက်ကတော့ တော်လှန်ရေးတွေ ထိန်းချုပ်ထားတဲ့ ဒေသတွေကို လေကြောင်နဲ့ တိုက်ခိုက်နေတာနဲ့ ပတ်သက်ပြီး တစုံတရာ သတင်းထုတ်ပြန်ထားတာ မရှိသေးပါဘူး။
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
