မိုင်းဖိူမ်းဆငဲ၊ အောက်တိုဘာ ၂၁ ရက်၊ မိုင်းငေါ့
တအာင်းတပ် – PSLF/TNLA ထိန်းချုပ်ထားတဲ့ မိုင်းငေါ့မြို့ကို စစ်ကောင်စီတပ်က လေကြောင်းကနေ ဗုံးကြဲတိုက်ခိုက်ခဲ့တာကြောင့် ဒေသခံ ၂ ဦး ပွဲချင်းပြီးသေဆုံးခဲ့ပြီး ၂ ဦးဒဏ်ရာရရှိခဲ့တယ်လို့ စုံစမ်းသိရပါတယ်။
အုပ်ချုပ်ရေးနဲ့ နီးစပ်သူတစ်ဦးက “၂ ယောက်သေတယ်။ ၂ ယောက်ဒဏ်ရာရ။ အကုန်လုံး ဂေါ်ရခါးတွေပဲ” လို့ ရွှေဖီမြေကို ပြောပါတယ်။
အဲဒီသေဆုံးသွားတဲ့သူတွေထဲမှာ အမျိုးသမီး ၁ ဦး၊ အမျိုးသား ၁ ဦးဖြစ်ပြီး ဒဏ်ရာသူတွေဟာ အမျိုးသား ၂ ဦးဖြစ်တယ်လို့ ဆက်ဆိုပါတယ်။
တအာင်းဒေသထဲကို စစ်ကောင်စီတပ်က ဒီလ အောက်တိုဘာ ၂ ရက်စပြီး မနေ့ အောက်တိုဘာ ၂၀ ရက်အထိ အဆက်မပြတ် ဗုံးကြဲတိုက်ခိုက်မှု ပြုလုပ်ခဲ့တာကြောင့် ကလေး ၆ ဦးအပါအဝင် သေဆုံးသူ ၄၄ အထိရှိလာပြီဖြစ်ပြီး ၄၂ ဦး ဒဏ်ရာရှိခဲ့ကြပါတယ်။
PSLF/TNLA ရဲ့ခေါင်းဆောင်တစ်ဦးဖြစ်တဲ့ ဗိုလ်ချုပ်တားဘုန်းကျော်က စစ်ကောင်စီတပ်ရဲ့ တအာင်းဒေသထဲ အဆက်မပြတ် ဗုံးကြဲတိုက်ခိုက်မှုတွေအတွက် “အလှည့်ဆိုတာ ရှိစမြဲပါ” လို့ သူ့ရဲ့လူမှုကွန်ရက်မှာ ရေးသားခဲ့ပါတယ်။
~ ~ ~
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှု နားဆင်နိုင်ပါတယ်။
