ယာရူစိင်၊ ဖေဖော်ဝါရီ ၁၂ ရက်၊ မန္တလေး
မန္တလေးတိုင်း ပြည်ကြီးတံခွန်မြို့နယ်မှာ တအာင်းအမျိုးသမီးငယ်တစ်ဦးဟာ မိသားစုဝင်နဲ့ ၃ လကြာ အဆက်အသွယ် ပြတ်တောက်သွားတာကြောင့် အဆက်အသွယ်ပြန်ရဖို့ အကူအညီ လိုအပ်နေပါတယ်။
ဦးအိုက်ခမ်းနဲ့ဒေါ်အေးအောင်တို့ရဲ့ သမီးဖြစ်သူ အသက် ၁၇ အရွယ် မအေးထွမ်းဆိုသူဟာ လွန်ခဲ့တဲ့ ၂၀၂၁ ခုနှစ်ကတည်းက အိမ်ကနေ အလုပ်လုပ်ဖို့ မန္တလေးမြို့ ချမ်းမြသာစည်မြို့နယ်ထဲက တရုတ်အိမ်မှာ သွားရောက် အလုပ်လုပ်ခဲ့တာ ဖြစ်ပါတယ်။
“ကလေးမ ပြောပုံအရက လားရှိုးဘက်က စလိုင်ရွာမှာ နေတယ်တဲ့။ အရင်ကတော့ အိမ်နဲ့ အဆက်အသွယ် ရတယ်တဲ့။ ဒါပေမဲ့ အိမ်နဲ့ အဆက်အသွယ်ရတာ ဘယ်နေ့နောက်ဆုံးရမှန်း သူလဲမသိတော့ဘူး။ တရုတ်အိမ်မှာနေပြီး အလုပ် လုပ်တယ်တော့ ကလေးမ ပြောတယ်။ သူ့ရဲ့ ညီမလေးလဲ မန္တလေးမှာဘဲတဲ့။ ညီမလေးနဲ့လည်း အဆက်အသွယ် မရတာလဲ ၁ နှစ်လောက် ရှိပြီတဲ့” လို့ ၎င်းကို ကူညီပေးနေတဲ့ အမျိုးသမီးတစ်ဦးက ရွှေဖီမြေကို ပြောပါတယ်။
လက်ရှိမှာတော့ အဲဒီအမျိုးသမီးငယ်ကို မန္တလေးမြို့ ပြည်ကြီးတံခွန်မြို့နယ် ၅၈ C လမ်း ၁၁၉ လမ်းထောင့်မှာရှိတဲ့ နောင်ရိုးကဖေးဆိုင်ပိုင်ဆိုင်က ခေါ်ယူစောင့်ရှောက်ထားပါတယ်။
သူမရဲ့ မိသားစုဝင်ကို သိရှိသူတွေအနေနဲ့ နောင်ရိုး ကဖေးဆိုင် ဖုန်း 09-444 082 868, 09-444 082 848 ကို ဆက်သွယ်ပေးဖို့ မေတ္တာရပ်ခံထားပါတယ်။
