လွေးလာဝ်ဇာရ်၊ မေလ ၂၈ ရက်၊ နမ့်ခမ်း
တအာင်းတပ်မတော် ထိန်းချုပ်ထားတဲ့ ရှမ်းမြောက် နမ့်ခမ်းမြို့အနီးရှိ ဟိုနား (ကောင်းတပ်)ကျေးရွာက အမျိုးသမီးတစ်ဦး ရိုက်သတ်ခံခဲ့ရတယ်လို့ ဒေသခံတစ်ဦးက ရွှေဖီမြေကို ပြောပါတယ်။
ဖြစ်စဉ်ဟာ မေလ ၂၆ ရက် မနက် ၆ နာရီဝန်းကျင်က ဖြစ်ပွားခဲ့ပြီးတော့ အဲဒီအမျိုးသမီးကို လာရောက် ရိုက်သတ်သွားတဲ့ တရားခံကတော့ လွှတ်မြောက်နေပါတယ်။
ဟိုနားဒေသခံတစ်ဦးက “အဲနေ့က မိုးလည်း ရွာတယ်။ မနက်ပိုင်းလည်း ဖြစ်တယ်ဆိုတော့ တခြားအိမ်မပြောနဲ့ သူတို့အိမ်က လူတွေတောင် မသိဘူး။ သူတို့ပြောတာက သူ့ယောက်ျား အရင်ထပြီး ထမင်း ချက်တာတဲ့။ ချက်ပြီးမှ ပြန်အိပ်တာ။ သူဟင်းထချက်တဲ့အချိန် ဖြစ်တာ။ ဓားပြ လာတိုက်တာလား ဘာလားတော့ သေချာမသိဘူး။ သူတို့ထတွေ့တဲ့အချိန် သူတောင် သေပြီ။ ဘာနဲ့ရိုက်လဲတော့ မသိဘူး။ သူ့ခေါင်းက ကွဲနေတာ” လို့ ပြောပါတယ်။
သတ်ခံရသူဟာ အသက် ၆၇ နှစ်အရွယ် သက်ကြီးပိုင်း အမျိုးသမီးဖြစ်ပြီး အလောင်းကိုတော့ တအာင်းတပ်က စစ်ဆေးဖို့ နမ့်ခမ်းဆေးရုံဘက် သယ်ဆောင်သွားခဲ့တယ်လို့ ဆိုပါတယ်။
နမ့်ခမ်းမြို့ကို ပြီးခဲ့တဲ့ ၂၀၂၃ ခုနစ် ဒီဇင်ဘာ ၁၉ ရက်မှာ တအာင်းတပ်မတော်က တိုက်ခိုက်သိမ်းပိုက်ခဲ့တာဖြစ်ပြီး ၁ နှစ်ခွဲနီးပါးအတွင်း အခုလို လူသတ်မှုဖြစ်စဉ် ပထမဆုံးအကြိမ် ဖြစ်ပွားခဲ့တာပါ။
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
