ပို့လဘား၊ အောက်တိုဘာ ၂၇ ရက်၊ မိုးကုတ်
တအာင်းတပ်မတော်- PSLF/TNLA ထိန်းချုပ်ထားတဲ့ မိုးကုတ်မြို့လယ်က ကန်ဘောင်တစ်ခုမှာ မနေ့ အောက်တိုဘာ ၂၆ ရက် ညနေ ၄ နာရီမှာ အမျိုးသားအလောင်းတစ်လောင်း တွေ့ရှိခဲ့တယ်လို့ ဒေသခံအမျိုးသားတစ်ဦးက ပြောပါတယ်။
“ရေပေါ်မှာပေါ်လာတာတော့တွေ့တယ်။ သူလမ်းလျှောက်ထွက်လာတာလား။ အလောင်းကြည့်ရသလောက်တော့ ပြီးခဲ့တဲ့ နှစ်ရက်ကတည်းက ပြုတ်ကျတာထင်တယ်။ ပြီးခဲ့တဲ့နှစ်ရက်က ဂေါ်ရခါးလူမျိုးရဲ့ ပွဲတော်ဆိုတော့ သူတို့ တစ်ညလုံး သောက်စားနေကြတာ။ မနေ့မှ သူ့အလောင်းပေါ်တာ။ သူများပစ္စည်းလုသတ်တာမျိုးတော့ မဟုတ်လောက်ဘူး။ ဘာလို့ဆို လက်စွပ်တွေရော ပိုက်ဆံတွေရော သူ့ခန္ဓာကိုယ်မှာ တွေ့သေးတယ်။ အရက်သောက်လွန်ပြီး ပြုတ်ကျတာလား။ အခုဆေးရုံမှာစစ်ဆေးနေတာမို့ မသိနိုင်သေးဘူးလို့ ဆိုပါတယ်။
အဆိုပါ အမျိုးသားဟာ မိုးကုတ်မြို့မှာ နေထိုင်တဲ့ ဂေါ်ရခါးလူမျိုးဖြစ်ပြီး အသက်အရွယ်အလတ်ပိုင်းသာ ဖြစ်တယ်လို့ အဆိုပါအမျိုးသားက ပြောပါတယ်။
ပြီးခဲ့တဲ့ အောက်တိုဘာ ၂၅ ရက်က ဂေါရခါးလူမျိုးတွေရဲ့ ဒေဝါလီပွဲတော်ရှိခဲ့တာကြောင့် အရက်အလွန်အကျုးသောက်ပြီး ဘောင်ကန်ထဲ ပြုတ်ကျတာလည်းဖြစ်နိုင်တယ်လို့ အဆိုပါအမျိုးသားက ပြောပါတယ်။
သေဆုံးသွားတဲ့ အကြောင်းအရာနဲ့ပတ်သက်ပြီး ၎င်းအမျိုးသားရဲ့ရုပ်အလောင်းကိုတော့ မိုးကုတ်မြို့ ဆေးရုံမှာ အခုလက်ရှိ စစ်ဆေးနေဆဲတာဖြစ်တယ်လို့ ဆိုပါတယ်။
~ ~ ~
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှု နားဆင်နိုင်ပါတယ်။
