မိုင်းပန်ပျော်၊ ဇန်နဝါရီ ၂၄ ရက်၊ မိုးကုတ်
တအာင်းတပ်မတော် ထိန်းချုပ်ထားတဲ့ မန္တလေးတိုင်း မိုးကုတ်မြို့ထဲက အိမ်တစ်အိမ်မှာ ထမင်းချက်နေစဉ် မီးလောင်မှု ဖြစ်ပွားခဲ့ပါတယ်။
ဇန်နဝါရီ ၂၂ ရက် နေ့လယ် ၁ နာရီခန့်မှာ မိုးကုတ်မြို့ နယ်မြေ ၁၃ မင်းတံတားက အိမ်တစ်အိမ်မှာ ထမင်းချက်နေစဉ် မီးလောင်မှု ဖြစ်ပွားခဲ့တာလို့ ဖြစ်စဉ်သိရှိသူ အမျိုးသမီးတစ်ဦးက ရွှေဖီမြေကို ပြောပါတယ်။
“ဖြစ်စဉ်ကတော့ အတိအကျ မသိဘူး။ တချို့ပြောတော့ ထမင်းချက်နေတဲ့အချိန် မီးကူးစက်ပြီး ေလာင်သွားတယ်။ တချို့ပြောတာတော့ ကလေးက မီးခြစ်ဆော့ပြီး မီးလောင်သွားတယ်လို့ ပြောကြတယ်”
မီးလောင်မှု ဖြစ်ပွားတဲ့အိမ်ကို PSLF/TNLA ရဲ့ မီးသတ်ဌာနက လူအင်အား ၃၀ နဲ့ မီးသတ်ကား ၄ စီး အသုံးပြုပြီး မီးငြိမ်းသတ်ခဲ့ရတယ်လို့ ၎င်းက ဆက်ပြောပါတယ်။
မီးလောင်မှု ဖြစ်ပွားတာနဲ့ပတ်သက်ပြီး လူအထိအခိုက် မရှိပေမဲ့ အိမ်ထဲမှာရှိတဲ့ ပစ္စည်းတန်ဖိုး ၂၆ သိန်းဝန်းကျင် ဆုံးရှုံးခဲ့ရတယ်လို့ ဆိုပါတယ်။
အလားတူ ပြီးခဲ့တဲ့ ဇန်နဝါရီ ၁၅ ရက်မှာလည်း မိုင်းရယ်မြို့မှာ ဘတ္ထရီအိုး ပေါက်ကွဲကာ မီးလောင်မှု ဖြစ်ပွားခဲ့တာကြောင့် ၂ နှစ်သား ကလေးငယ်တစ်ဦးနဲ့ ၂ လသား ကလေးငယ်တစ်ဦး မီးလောင်ပြီး သေဆုံးခဲ့ပါတယ်။
ဇန်နဝါရီ ၉ ရက်က နမ့်ခမ်းမြို့နယ် နမ့်စိတ်ရွာမှာ အိမ်ရှင်ဖြစ်သူက အသုဘသို့ သွားနေစဉ် ဝိုင်ယာကြိုး ရှော့လ်ဖြစ်ပြီး နေအိမ်တစ်လုံး မီးလောင်မှု ဖြစ်ပွားခဲ့ပြီးတော့ သိန်း ၅ဝ ကျော်ဖိုး ဆုံးရှုံးခဲ့ပါတယ်။
