ဖားကန့်မှာ မီးလောင်မှုဖြစ်ပွားပြီး အိပ်နေတဲ့ ၃ လသားအရွယ် ကလေးတစ်ဦး သေဆုံး

ပို့လဘား၊ အောက်တိုဘာ ၁၆ ရက်၊ ဖားကန့်

ကချင်ပြည်နယ် ဖားကန့်မြို့က မှော်ဝမ်းရပ်ကွက်မှာ မီးလောင်မှုဖြစ်ပွားပြီး အိပ်နေတဲ့ ၃ လသားအရွယ် ကလေးငယ်တစ်ဦး သေဆုံးသွားခဲ့တယ်လို့ ဖားကန့်မြို့နေ ဒေသခံအမျိုးသားတစ်ဦးက ရွှေဖီမြေကို ပြောပါတယ်။

ဒီနေ့ အောက်တိုဘာ ၁၆ ရက် မနက် ၈ နာရီမှာ ဖားကန့်မြို့ မှော်ဝမ်းရပ်ကွက်ရှိ ရေအေးချောင်းဘက်မှာ နေအိမ်တစ်လုံး ဝါယာရှော့ဖြစ်ရာကနေ မီးလောင်ခဲ့တာ ဖြစ်ပါတယ်။

“ရွှေစည်းစိမ် လက်ဖက်ရည်ဆိုင်မှာ ဝါယာရှော့ဖြစ်ပြီးတော့ မီးလောင်သွားခဲ့တယ်။ ပုခတ်ထဲမှာ အိပ်ပျော်နေတဲ့ ၃ လသား ကလေးအရွယ်ငယ်လည်း မီးထဲပါသွားတယ်။ ၉ နာရီမှ မီးငြိမ်းနိုင်ခဲ့တာ” လို့ ပြောပါတယ်။

မီးလောင်မှုအတွင်း ဆုံးရှုံးသွားတဲ့ ပစ္စည်းတန်ဖိုးကိုတော့ သေချာမသိရသေးပါဘူး။

ပြီးခဲ့တဲ့ ဇွန်လ ၃၀ ရက်ကလည်း ဖားကန့်မြို့နယ် ဆိပ်မူ(ဆိုင်းတောင်)ကျေးရွာက ဆီသိုလှောင်ထားတဲ့ ဆီဂိုဒေါင်တစ်ခု မီးလောင်မှုခဲ့တဲ့ ဖြစ်စဉ်လည်း ဖြစ်ပွားခဲ့ဖူးပါတယ်။

~ ~ ~

ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

Shwe Phee Myay YouTube

Shwe Phee Myay Telegram