ရွှေဖီမြေ၊ ဧပြီ ၂၇ ရက်
တက္ကသိုလ်ကျောင်းသားသမဂ္ဂရဲ့ ဦးဆောင်မှုနဲ့ ဖွဲ့စည်းထားတဲ့ ကျောင်းသားတပ်ဦး/ကျောင်းသားလက်ရုံးတပ်တော်- SAF တည်ထောင်တာ ဒီနေ့ ဧပြီ ၂၇ ရက်မှာ ၄ နှစ်ပြည့်ခဲ့ ပြီဖြစ်ပါတယ်။
စစ်ကောင်စီတပ်က လူထုတွေအပေါ် အကြမ်းဖက်သတ်ဖြတ်မှုတွေ ဆက်တိုက်ကျူးလွန်နေပြီး အင်အားကြီးနိုင်ငံအချို့ဟာ စစ်ကောင်စီကို ထောက်ခံအားပေးနေတာ တွေ့ရတယ်လို့ SAF က ဒီနေ့မှာ ထုတ်ပြန်ပါတယ်။
တော်လှန်ရေးအင်စုတွေအနေနဲ့ ပြည်တွင်းရန်အပြင် အပြင်ရန်ကိုပါ တော်လှန်နေရပြီး ခေါင်းဆောင်မှုပေးနိုင်တဲ့ ခိုင်မာတဲ့ နိုင်ငံရေး စစ်ရေးမူနဲ့ တပ်ပေါင်းစုကို ကြိုးပမ်း တည်ဆောက်ရမယ့် ကာလဖြစ်ကြောင်း ရှုမြင်တယ်လို့ ဆိုပါတယ်။
ဒီနေ့မှာ ကျရောက်တဲ့ SAF တည်ထောင်ခြင်း ၄ နှစ်ပြည့်မှာ တအာင်းတပ်မတော်- TNLA လည်း သဝဏ်လွှာပေးပို့ခဲ့ပြီး SAF အပါအဝင် ဗမာလူမျိုးကိုယ်တိုင် လက်နက်ကိုင်လမ်းစဥ်မှအပ အခြားမရှိတဲ့ ယုံကြည်ချက်ကို မြန်မာတော်လှန်ရေးမှာ ပါဝင်လာတာဟာ တော်လှန်ရေးအတွက် များစွာအထောက်အကူပြုတယ်လို့ TNLA ပေးပို့တဲ့ သဝဏ်လွှာမှာ ဖော်ပြထားပါတယ်။
SAF ဟာ စစ်ကိုင်းတိုင်း၊ မကွေးတိုင်းအပါအဝင် တော်လှန်ရေးအင်အားစုတွေနဲ့ ပူးပေါင်းပြီး စစ်ကောင်စီကို တိုက်ခိုက်နေပါတယ်။
