ခိုင်လေး၊ ဇန်နဝါရီ ၁၅ ရက်၊ ဒီးမော့ဆို
ကရင်နီပြည် ဒီးမော့ဆိုအရှေ့ခြမ်းရှိ စစ်ရှောင်စခန်းတစ်နေရာကို စစ်တပ်က လေကြောင်းကနေ ပေါင် ၂၀၀ ဗုံး ကြဲချတိုက်ခိုက်ခဲ့တာကြောင့် ၃ ဦး ေသဆုံးပြီး ၄ ဦး ဒဏ်ရာ ရရှိခဲ့ပါတယ်။
ဒီနေ့ ဇန်နဝါရီ ၁၅ ရက် နေ့လယ် ၁ နာရီခန့်မှာ စစ်တပ်က စစ်ရှောင်စခန်းကို လေကြောင်းကနေ ၄ ကြိမ် ကြဲခဲ့တာကြောင့် စစ်ရှောင်နေတဲ့ မောင်နှမ နှစ်ယောက်အနီး ကျကာ ပွဲချင်းပြီး ေသဆုံးသွားတာလို့ မြေပြင်ရှိ ရဲဘော်တစ်ဦးက ရွှေဖီမြေကို ပြောပါတယ်။
“အရင်ကလည်း အဲမှာ ကြဲနေပါတယ်။ အခုက ကယားပြည်နယ်နေ့မှာ စကစ တိုးဝင်လာတော့ လုံခြုံရေး တင်းကြပ်ပြီး ကြဲချသွားတာပါ။ ကျနော်တို့ကတော့ ဒီလိုဖြစ်စဉ်တွေကို ကြုံနေရအုံးမှာဘဲ။ ကျနော်တို့မှာ လေကြောင်းပစ် မရှိဘူးလေ။ ရှိလဲ ပေါေပါသီသီ မသုံးနိုင်ဘူး”
ဒဏ်ရာ ရရှိသူ ၄ ဦးက ခြေထောက်၊ ပေါင်၊ မျက်နှာ စတဲ့နေရာမှာ ဒဏ်ရာ ရရှိခဲ့တာကြောင့် ဆေးကုသမှု ခံယူနေရတယ်လို့လည်း ဆိုပါတယ်။
စစ်တပ်က အပြစ်မဲ့ ဒေသခံတွေကို ပစ်မှတ်ထားပြီး လေကြောင်းနဲ့ တိုက်ခိုက်တာဟာရာဇဝတ်မှု မြောက်တယ်လို့ ၎င်းက ဆက်ပြောပါတယ်။
ပြီးခဲ့တဲ့ နှစ်သစ်ကူး ညပိုင်းက ဒီးမော့ဆိုအနောက်ခြမ်းကို စစ်တပ်က ဂျက်လေယာဥ်နဲ့ ၂ ကြိမ် ဗုံးကြဲတိုက်ခိုက်ခဲ့ပြီး ဇန်နဝါရီ ၁ ရက် ည ၅ နာရီခန့်ကလည်း ဒီးမော့ဆိုအနောက်ဘက်ခြမ်းကို ဂျက်လေယာဥ်နဲ့ ၃ ကြိမ် ဗုံးကြဲချ တိုက်ခိုက်ခဲ့ဖူးပါတယ်။
