မြတ်နိုး၊ ဖေဖော်ဝါရီ ၂၅၊ လိုင်ဇာ
လိုင်ဇာအနီး ဂျဲယန် စစ်ရှောင်စခန်းက ပျောက်ဆုံးသွားပြီး ပြန်ပေးဆွဲခံရတဲ့ အမျိုးသမီး ကလေးငယ် ၃ဦးဟာ သတ်ဖြတ်ခံရပြီး ပြန်ပေးဆွဲတဲ့ တရားခံကိုလည်း ဖမ်းမိထားကြာင်း ဒေသခံတွဆီက သိရပါတယ်။
“ကလေးတွေ ပြန်တွေ့ပြီ။ သုံးယောက်လုံး သေသွားပြီ။ ၂ ယောက်ကိုတော့ မနေ့ည တွေ့တာ။ ၁ ယောက်တာ့ ဒီ မနက်မှ တွေ့တယ်” လို့ ဒေသခံ တစ်ယောက် က ရွှေဖီမြေကို ပြောပါတယ်။
သေဆုံးသွားတဲ့ ကလေးတစ်ယောက်ရဲ့ အလောင်းကိုတော့ တောထဲ သစ်ပင်ပေါ်ကြိုးနဲ့ ဆွဲချ သတ်ဖြတ်ထားပြီး နှစ်ယောက်ကိုတော့ ကျောက်တုံးကို ကြိုးနဲ့ ချည်ပြီး ရေထဲ နှစ်ထားတယ်လို့ သိရတယ်လို့ သူက ပြောပါတယ်။
“တရားခံ တစ်ယောက် ဖမ်းမိထားပြီ။ မနေ့ညက ထွက်ပြေးဖို့ လုပ်နေတာ ဂိတ်မှာ ဖမ်းမိတာ” လို့ နောက်ထပ် ဒေသခံ တယောက်က ပြောပါတယ်။
ပြစ်မှုကျူးလွန်တဲ့ တရားခံဟာ အသက် ၂၅ နှစ်အရွယ် အုံးဆောင်းဝ်ဒွဲ အောင်ဆိုသူဖြစ်တယ်လို့ ဆိုပါတယ်။
ပျောက်ဆုံးနေတဲ့ ကလေးငယ် ၃ဦး မသေဆုံးမီ တောထဲ လက်နဲ့ခြေထောက်နောက်ပြန်ကြိုးတုပ်ထားတဲ့ ပုံတွေကိုလည်း မိဘတွေက ရရှိထားခဲ့တယ်လို့ ဆိုပါတယ်။
“လိုင်းပေါ်မှာ ကလေးတွေ ပျောက်တယ် ဆိုပြီး တင်လိုက်တဲ့နောက် အကောင့် add လာတယ်။ လာအပ်လို့ လက်ခံ လိုက်တော့ လက်ပြန်ကြိုးတုပ်၊ ပါးစပ်တွေ ချည်ထားတဲ့ ပုံတွေ ရိုက်ပို့လာတယ်။ ဘယ်နေရာလဲ ဆိုတာတော့ မသိရဘူး။ add လာတဲ့ သူက ဘယ်သူလဲ ဆိုတာလဲ မသိဘူး။” လို့ ဒေသခံ အမျိုးသား တစ်ဦးက ရွှေဖီမြေကို ပြောဆိုထားပါတယ်။
အဲဒီနောက် ကလေးငယ်တွေကို အပူတပြင်းလိုက်လံရှာဖွေချိန်မှာတော့ သေဆုံးနေတဲ့ ကလေးငယ်တွေရဲ့ အလောင်းကို တွေ့ရှိခဲ့တာ ဖြစ်ပါတယ်။
ပျောက်ဆုံးသွားတဲ့ ကလေးတွေဟာ ပြီးခဲ့တဲ့ ဖေဖော်ဝါရီလ ၂၂ ရက်နေ့ မနက်က သူတို့ရဲ့ ဆရာမဆီ သွားလည်ခဲ့ပြီး ညနေပိုင်း အိမ်အပြန်လမ်းမှာ ပြန်ပေးဆွဲခံခဲ့ရကာ တရုတ်ယွမ် လေးသိန်းနဲ့ လာရွေးခိုင်းကြာင်း သိရပြီး အသေးစိတ် စီစစ်ဆဲနေဆဲ ဖြစ်တယ်လို့ ဒေသခံတွက ပြောပါတယ်။
