ပိုႈလဘား၊ ကျံရ်ဇူန် ဆငည်း 27 ၊မိုဂူႈ
ကဝ်အီနံပ်ဘည်မိုႈဘည်ဘာည်း ကောန်အီမာည်းအူအီးက္လာင်းဒါႈ ဒီဘိူန်းတံပ်ဆီုက်တအာင်း PSLF/TNLA ကဲတထိင်ခြဲ ပကီုင်းမိုဂူႈ ကဒါႇလေႈဆာင်ငည်းနီန် ဂေါႇမိုႈ ဘြည်က္လာည်းကဆဝ်းဇာဝ်း ပဲန်ဟာဝ်းအိုမ်ဒါင်းအိုမ်နိုက်နီန်အောႏ။
ကဲဒါႈ အ်ုန်ဇူႈက္လာည်း ခည်ကျံရ်ဇူန် ဆငည်း 26 ခီမှိူဝ် 10 နြီလေႈဒိူန် စီပဲန်ဟာဝ်းဖါ်ႈအိုမ်ဒါင်း ပမိုဂူႈ ကဒါႇလေႈဆာင်ငည်း ခေဲင်ဇံင်စည်ပင်သာ ကာည်း ဇံင်မင်းတံတားနီန် ခေဲင်ဂါင်ဂေါည်မာ် အိုမ်ဟည်လီပ်ဒိုည်ႇအောႏ။
“အ်ုန်ဇူႈက္လာည်းလိူည် ခီမှိူဝ်ဒိူန် ဟည်ရောတ်ခီညှာနီန် အိုမ်ဟည်ဒါင်းပွံတ်။ ဘည်တက္လာႈကတာည်းမာ်မိူဝ်ႈ။ ညှံမ်တိူရ်ႈဒိုည်ႇစိခေဲင်အရာပ်။ အိုမ်မာ်ဟည်လီပ်ခေဲင်ဂါင်း။ ကဇေန်နီး အ်ုန်ဟည်ဇောႈမာ် မိုႈလိူည်ညှံမ်ဇောႈဒိုည်ႇစိ”
ကောန်အီမာည်း ကဝ်အီဒါႈရကႎိုည်နီန် ဆီုပ်ဒါႈဘိုး ပမိုဂူႈနီန် ဆာ်ရောတ်ဖါ်ႈချီုင်က္လာည်း အ်ုန်ပဲန်ပွံတ် အိုမ်ဒါင် တောန်ဆန်ုမ်အောႏ။
ကဝ်အီကပ္လါႇဘေဲႇဆဒါင် – လိုည်းပိုႈဆပေ
ဆဒါင်ဖုင်ယဲဆျှိုည်ဖီမျေဂဲနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။
