သတင်းဓာတ်ပုံ
မိုင်းအနိုင်၊ မိုင်းရူပ၊ မတ်လ ၂၂ ရက်
တအာင်းတပ်မတော်-TNLA နဲ့အတူ ပူးပေါင်းပြီး စစ်ကောင်စီကို တိုက်ခိုက်နေတဲ့ ဓနုပြည်သူ့လွတ်မြောက်ရေးတပ်တော်-DPLA/DPLF ရဲ့ စစ်သင်တန်းပေးနေတဲ့ ပုံရိပ်တွေဖြစ်ပါတယ်။
အခြေခံစစ်သင်တန်းကို လွတ်မြောက်နယ်မြေတစ်နေရာမှာ ကျင်းပပြုလုပ်နေပြီး ဒီသင်တန်းဟာ DPLA ရဲ့ အခြေခံစစ်သင်တန်းအပတ်စဥ် (၆) ဖြစ်ပြီး အမျိုးသမီးတွေလည်း ပါဝင်ပါတယ်။
အပတ်စဥ် (၆) စစ်သင်တန်းမှာ DPLA ထံ ဆက်သွယ်ပြီး ရောက်လာတဲ့ လူငယ်တွေပါဝင်သလို့ တပ်သားသစ်စုဆောင်းထားတဲ့သူတွေလည်းပါဝင်တယ်လို့ DPLA ရဲ့ အတွင်းရေးမှူး ကိုကြေးမှုံက ရွှေဖီမြေကို ပြောပါတယ်။
DPLA အနေနဲ့ ဓနုလူမျိုးကို ကိုယ်စားပြုတဲ့ တပ်ဖြစ်ဖို့ ကြိုးစားနေပြီး ဓနုလူမျိုးတွေ အများဆုံးနေထိုင်တဲ့ ရှမ်းတောင်က ရပ်စောက်၊ ရွာငံနဲ ကလောမြို့နယ်တွေမှာ အခြေချလှုပ်ရှားနိုင်ဖို့လည်း ကြိုးစားနေပါတယ်။
လက်ရှိ DPLA ဟာ နောင်ချိုမြို့နယ် တောင်ခမ်းတိုက်ပွဲမှာ TNLA နဲ့အတူ ပါဝင်တိုက်ခိုက်နေသလို ရှမ်းတောင် ရပ်စောက်မြို့နယ် ကျောက်ဂူဒေသမှာလည်း စစ်ကောင်စီနဲ့ မကြာခဏ တိုက်ပွဲဖြစ်ပွားနေပါတယ်။
ပြီးခဲ့တဲ့ ၂၀၂၂ ခုနှစ် သြဂုတ် ၇ ရက်မှာ DPLA ကို ဓနုလူငယ်တွေ စတင်ခဲ့တဲ့ ဖွဲ့စည်းခဲ့တာဖြစ်ပြီး လက်ရှိမှာ DPLA က အင်အားထောင်နဲ့ချီ ရှိနေပြီဖြစ်ပါတယ်။
