Browsing Category
Ta’ang Edition
212 posts
တံပ်ကညာအာဏာဆီုက်ဇေဝ်ကဲ တိုည်းအူန်းတိုအီးလီဆူကဲ 3 အီး ကံပ်ဘိူန်းအူကိူရ်ဆငည်း၊ ဂေါႇမိုႈကဲအာဝ်ဒဲႈရမာကဲယိူဝ်းနီန် ကဲဒါႈနောႈမှည်အေ့ ကနာည်အဆာက်ကဲ
ကဝ်အီကဒံပ်တောပ်ရမာကဲ က္လာင်းတဖုင်ဆျှိုည်ဖီမျေဒါႈ ဒီဗီရ်ထိင်ခြဲ တံပ်ကညာအာဏာဆီုက်ဇေဝ်ကဲတ ခေဲင်လှံင်မိုဂူႈနီန် ကောန်ဆီုက်တံပ်ကညာအာဏာဆီုက်ဇေဝ် ကဲအီရဲ့ဂေတ်ကဲ တိုည်းဟာဝ်းတိုအီး လီဆူ ရဝ်ပိန်းပြစ်ကဲ 3 အီးအောႏ။
ဘံန်ဟောည်ႇလေႈဒေဲႈဆဒါင် မိုႈတ တီုင်ဌာနကဲ ဒဲႈလာ်ဒါရိူန်း ႎိူဝ်ႈပါင်ကတော် ပဇံင် (5) ကီုင်းလာဆေဝ် တံပ်ကညာအာဏာဆီုက်ဇေဝ်ကဲ ဟည်တိုည်းနှဲ၊ ဆာ်မိုႈအီအွံရ်ႎိူဝ်ႈစီ ကဲအာဝ်တိုည်းစိ
တိုအီးဂေါည်ခေဲင်ကီုင်းကဲ က္လာင်းတဆျှိုည်ဖီမျေဒါႈ ဘံန်ဟောည်ႇလေႈဒေဲႈဆဒါင် မိုႈတကဲရေဲန်ပါင်ကတော် ပဇံင် (5) ကီုင်းလာဆေဝ် ကပီုန်ဆျှံမ်ကဒါႇပိူည် အ်ုန်အီမိုႈဒီပ်ုန်ထိင်ခြဲအူန်း တံပ်ကညာအာဏာဆီုက်ဇေဝ်ကဲနီန် တံပ်ကညာအာဏာဆီုက်ဇေဝ်ကဲ ဟည်တောပ်ဒေတိုည်းအောႏ။
ပလာဆေဝ် ဇံင် (5) နီန် ကဲရေဲန်ဖါ်ႈ ပါင်ကတော်ဘြည်ပေန်ကျံရ် ခံင်မဝ်းမာ် ဘိူန်းဇိူရ်ႈငှိူည်ငှိူည်ကြိူဝ်ႈကြိူဝ်ႈ
ဘိူန်းအယ်နံပ်တ တိုအီးခေဲင်အရာပ်ကဲ မိုႈတ ပဇံင် (5) ကီုင်းလာဆေဝ် အ်ုန်အီမိုႈဒီပ်ုန်ထိင်ခြဲအူန်း တံပ်ကညာအာဏာဆီုက်ဇေဝ်ကဲနီန် ကဲႎိူဝ်ႈဖါ်ႈ ပါင်ကတော်ဒါင်း ခေဲင်ႎါင်း အ်ုန်အီဂေါည်ပမာန်အာည်ဂိုရ်နီန် ကဲဘိူည်ႎိူဝ်ႈဘြည်ပေန်ကျံရ်မာ် မောကံပ်ရောတ်ကဇေန်နီး ညှံမ်မိူဝ်ႈစိ ဘည်ဘိဟာဝ်းကဲအောႏ။
တံပ်ကညာအာဏာဆီုက်ဇေဝ်ကဲ ပျောႈဟာဝ်းပ္လေဘျုင် ပရဝ်မြစ်ဆုံ လှံင်မိူင်းမီတ်၊ တောပ်ပည်ကောန်ကညောမ်ကဲကာည်း ကောန်အီပ်ုန်အီဂေါည်တတိုဇံန် တိုအီးရဝ် ယံမ်းဟာဝ်းကပံတ် 10အီး
ဘိူန်းအယ်နံပ်မိုႈတ တံပ်ကညာအာဏာဆီုက်ဇေဝ်ကဲ ပျောႈဟာဝ်းဖါ်ႈပ္လေဘျုင် ပရဝ်မြစ်ဆုံ လှံင်မိူင်းမီတ် ကပီုန်ဆျှံမ်ကဒါႇပိူည် အ်ုန်အီမိုႈဒီပ်ုန်ထိင်ခြဲအူန်း တံပ်ဆီုက်ခါင် – KIA ကာည်း တံပ်ကပိုမ်ကဲ စီပဲန်တိုအီးရဝ် ဟည်ယံမ်းဟာဝ်းပွံတ် ကပံတ် 10အီးအောႏ။
ပမာဝ်းႎံင်း တံပ်ကညာအာဏာဆီုက်ဇေဝ်ကဲ ဘိကစံပ်ဖါ်ႈ ဂါင်ဂေါည်အီး တိုည်းဟာဝ်းဘိုး တိုအီးခေဲင်ကီုင်း 2အီး
တိုအီးခေဲင်အရာပ်ကဲ က္လာင်းတဆျှိုည်ဖီမျေဒါႈ တံပ်ကညာအာဏာဆီုက်ဇေဝ်ကဲ ဂီုည်ဘိဟာဝ်းဂါင် ဒါႈမိုႈအီးကတူည်ႇကႎှတောပ် တံပ်လံပ်တီုက်ႎှီုန်းကဲ ပကီုင်းမာဝ်းႎံင်း ကပီုန်ဆျှံမ်ကဒါႇပိူည် အ်ုန်အီမိုႈဒီပ်ုန်ႎီရ်ထိင်ခြဲအူန်း တံပ်ကညာအာဏာဆီုက်ဇေဝ်ကဲအောႏ။
တံပ်ကညာအာဏာဆီုက်ဇေဝ်ကဲ ဒါယာန်ပ်ုရ် ဒေဲႈပျောႈဟာဝ်းပ္လေဘျုင် ရီမ်းပြောကီုင်းမိုဂူႈ
ကဝ်အီနံပ်ဘည်မိုႈဘည်ဘာည်းနီန်အူအီး က္လာင်းတဆျှိုည်ဖီမျေဒါႈ အမှိူဝ်ကျံရ်ဒီဆဲမ်ဘာ ဆငည်း 3 ခိင်ညှာကပံတ် 12နြီဒိူန် တံပ်ကညာအာဏာဆီုက်ဇေဝ်ကဲ ဒါယာန်ပ်ုရ်ဂျက် ဒေဲႈပျောႈဟာဝ်းပ္လေ ပရဝ်ထင်းရှူးတောင် အ်ုန်အီဂေါည် ရီမ်းကီုင်းမိုဂူႈနီန်အောႏ။
ဂေါႇမိုႈ ကဲအာဝ်ဒဲႈ ကား အီတာင်ကုန်ကဲနီန် ခ္လေါႈဟာဝ်းႎီရ် ကား 50 ကြောင်နီန် အာဝ်ဘိူန်းစိခ္လေါႈဟာဝ်း
ကဝ်အီနံပ်ဘည်မိုႈဘည်ဘာည်းနီန်အူအီး က္လာင်းတဖုင်ဆျှိုည်ဖီမျေဒါႈ ဒီဘိူန်း တံပ်ကညာဏာဆီုက်ဇေဝ်ကဲတ ထိင်ခြဲ ပဂေတ်ဒီလီပ်လေႈခေဲင်ကီုင်းမိူင်ယယ်နီန်အူဒီ ဂေါႇမိုႈတံပ်ကညာအာဏာဆီုက်ဇေဝ်ကဲ အာဝ်ဒဲႈကဲခ္လေါႈနီန် ကား 50 ကြောင်အာဝ်ဘိူန်းစိ ခ္လေါႈဟာဝ်းႎီရ်အောႏ။
