Browsing Category

Ta’ang Edition

212 posts

ဒီဘိူန်းတံပ်ကိုကာင်ကဲတထိင်ခြဲ ပမုံးကိုး ခေဲင်ရဝ်ပေန်ခ္လဒိူန် ဂေါႇမိုႈကဲဘိအူန်းကျောင် ဟည်ဘိူန်း 5 ဆန်ုမ် တိုအီးခေဲင်အရာပ်ကဲစီ မှာန်းဒါႈဆိင်ဒဲႈအေ့ ကဲႎီရ်ႎိူဝ်ႈဒဲႈကျောင်

ဒီဘိူန်းတံပ်ကိုကာင် MNDAA ကဲတထိင်ခြဲ ကပီုန်ဆျှံမ် ကဒါႇပိူည် လှံင်မူစယ် ရဝ်အ်ုန်အီဂေါည် ခေဲင်ကီုင်းမုံးကိုး ပေန်ခ္လကဲဒိူန် ဂေါႇမိုႈ ကဲဘိအူန်းကျောင် ဟည်လှေင် 5 ဆန်ုမ် ဂေါႇဘည်ဒီန် တိုအီးအရာပ်ကဲမှာန်းဒါႈ ဆိင်ဒဲႈအေ့ကဲႎီရ်ႎိူဝ်ႈဟာဝ်းကျောင်နီန်အောႏ။

ကဲဒါႈ နံင်ႎီရ်ဓိူဝ်ႈ မြန်မာ့စီးပွားရေးဘဏ် အ်ုန်အီဂေါည်ပလာဆေဝ်

ဘိူန်းအယ်နံပ်တ ကူန်ရဝ်မာဂါင်ကဲ က္လာင်းဒါႈ ‌ဂေါႇပ်ုန်ကဇောည်ဒဲႈခယ်ကဲ ပ်ုန်ႎီရ်ဘိူန်း တံပ်ကညာအာဏာဆီုက်ဇေဝ်ကဲတထိင်ခြဲ ကီုင်းလာဆေဝ် ကပီုန်ဆျှံမ်ကဒါႇပိူည်နီန် ကဲနံင်ႎီရ်ႎိူဝ်ႈဟာဝ်း မြန်မာ့စီးပွားရေးဘဏ် အ်ုန်အီဂေါည်ပလာဆေဝ်နီန်အောႏ။

ဂေါႇမိုႈဘြည်က္လာည်းကစာပ်ဇာဝ်း ဒေင်နမ့်ဖတ်ကာ ကာည်း အေဲမ်ခြီရ်နီန် လူလှဲဝ်ႏဖါ်ႈ ကားမာ်အာဝ်ဘိူန်းခ္လေါႈ

ဂေါႇမိုႈ ဘြည်က္လာည်းကစာပ်ဇာဝ်း အာရ်အိုည်ဆငည်းနီန် ဒေင်လှေအ်ုန်အီကတူည်ႇဒဲႈ ရဝ်နမ့်ဖတ်ကာ ကာည်း လှံင်အေဲမ်ခြီရ် ပကပီုန်ဆျှံမ် ကဒါႇပိူည်နီန် အ်ုန်လူလှဲဝ်ႏကဆဝ်းဇာဝ်းအောႏ။

ဇိူင်ကောန်အီမာည်း ကဝ်အီဟာဝ်းထွံရ်တီရ်ႈ ငျားဒေညဲ့မဴင် ပအေဲမ်ခြီရ်နီန်အူအီး ဟည်ကတ်ုတ် အူကဒါႇ

တိုအီးခေဲင်အရာပ်အူအီး က္လာင်းတဆျှိုည်ဖီမျေဒါႈ ကောန်အီမာည်း ကဝ်အီဂေါည်ပလှံင်အေဲမ်ခြီရ် ကပီုန်ဆျှံမ်ကဒါႇပိူည် အ်ုန်အီမိုႈဒီပ်ုန်ထိင်ခြဲအူန်း တံပ်ဆီုက်တအာင်း – TNLA နီန်အူအီး ငျားဖါ်ႈညဲ့မဴင် ဘ်ုပ်ချှူမ်ဟာဝ်းဇိူင်အ်ုန် အူကဒါႇအောႏ။

ပလှံင်မာဝ်းႎံင်း ဂေါႇမိုႈကတာည်းဒီကိူဝ်ႈကဲတခြီရ်နီန် တက္လာႈဇောႈ လကောန်အီမာည်းအူအီး ယံမ်းဟာဝ်း

ကဝ်အီနံပ် ဘည်မိုႈဘည်ဘာည်းနီန်အူအီး က္လာင်းတဖုင်ဆျှိုည်ဖီမျေဒါႈ ပလှံင်မာဝ်းႎံင်း ခမိုတော့ဆန် ရဝ်ကမာည်းကုန်းသာ(ရဝ်ကဒေဲင်လဲင်)နီန် ကတာည်းဒီကိူဝ်ႈကဲတခြီရ်နီန် ပဲန်တက္လာႈ လဟာဝ်းကောန်အီမာည်းအူအီး ။

တံပ်ဆီုက်ကိုကာင်ကဲ ရံပ်တိုည်းဟာဝ်း ကူန်ရဝ်မာဂါင်မိုင်းဝီး ကောန်အီမာည်း 2 အီး စွဲဒါႈမိုႈစိုန် ဆဲႈဒီန် ကူန်ရဝ်မာဂါင်ကဲ က္လာင်းဒါႈဘိုး ကဲရဲန်အူန်းဒေဒဲးတာမ်ယံမ်း

ကူန်ရဝ်မာဂါင်ကဲ က္လာင်းတဖုင်ဆျှိည်ဖီမျေဒါႈ ဒီဘိူန်းတံပ်ဆီုက်တအာင်း TNLA ကဲတထိင်ခြဲ ကပီုန်ဆျှံမ်ကဒါႇပိူည် ပလှံင်အေဲမ်ခြီရ် အရာပ်အေဲမ်ငူည်း ခေဲင်ခမိုရဝ်ပါင်ဟာင်ဒါင်းနီန် တံပ်ဆီုက်ကိုကာင် MNDAA ကဲ ရံပ်တိုည်းဟာဝ်း ကောန်အီမာည်း ရဝ်ဟိုတီး ကာည်း ရဝ်စယ်နေ 2 အီး စွဲဒါႈကဲမိုႈစိုန်အောႏ။

ပမိုဂူႈ ကဝ်အီမိုႈပိူဝ်အ်ုန် လီလာနဘာည်းဟာဝ်း တလှာန်အ်ုန် ကဝ်အီလူည်ႇအမှုကာမဒီန် ဆီုင်ဂီုည်ဒဝ်လောတ်

ကောန်အီပ်ုန် ကဝ်အိီကတူႈငျားဒီန် က္လာင်းတဖုင်ဆျှိုည်ဖီမျေဒါႈ ဒီဘိူန်းတံပ်ဆီုတအာင်း TNLA ကဲတထိင်ခြဲ ကပီုန်ဒါင်း မန္တလေး ပကီုင်းမိုဂူႈ ခေဲင်ဇံင်အူဇံင်ဒီန် ကဝ်အီမိုႈပိူဝ်အ်ုန် လီလာနဘာည်းဟာဝ်း တလှာန်အ်ုန်အောႏ။

တံပ် TNLA အ်ုန်အီဂေါည်ပရဝ်ယာပြင် လှံင်နော်င်ခေဝ် ဒီပဲန်ဘ္လောမ်ပ္လေါည်ကတီုက်ကပဴင်နီန် ဟည်ချှူမ်ဟာဝ်းဘိုး တံပ် တကညာအာဏာဆီုက်ဇေဝ်ကဲ အူတံပ်

ကဝ်အီဂေါည်ခေဲင်ပ္လေါည်ကတီုက်ကပဴင်နီန်အူအီး က္လာင်းတဆျှိုည်ဖီမျေဒါႈ တံပ်ဆီုက်တအာင်း – TNLA အ်ုန်အီဂေါည်ပရဝ်ယာပြင် လှံင်နော်င်ခေဝ် ကပီုန်ဆျှံမ်ကဒါႇပိူည် ဒီပဲန်ဘ္လောမ်ပ္လေါည်ကတီုက်ကပဴင်နီန် ဟည်ချှူမ်ဟာဝ်းဘိုး တံပ် တကညာအာဏာဆီုက်ဇေဝ်ကဲ အူတံပ်အောႏ။

အီအွံရ်တံပ်ကညာအာဏာဆီုက်ဇေဝ်ကာည်း တံပ်မိူင်းလား – NDAA ကဲ ကတူႈကငျား၊ တံပ်မိူင်းလားကဲက္လာင်းဒါႈ အာဝ်မိူဝ်ႈစိ ဘည်ရံပ်ခါမ်အူန်း ဖုင်အရေးတီုင်ကုင်ကဲအီဟံရ်

ကညာအာဏာဆီုက်ဇေဝ်ကဲ ရိူဝ်ႈလေႈပ္လါႇဘေဲႇပဇံင်းဒါႈ ခိင်ရောတ် မီန်းအံင်လဴင် အ်ုန်အီမိုႈ အီအွံရ်ဆီုက် ပတီုင်ကပ္လိူင် တြိဂံဒေသတိုင်း အီဂေါည်ပကီုင်းကျိုင်းတုံ ကပီုန်ဆျှံမ်ကဒါႇလေႈဆာင်ငည်းနီန် အ်ုန်ဟာဝ်းကတူႈကငျားတောပ် ဉီးစန်ပေ့ အ်ုန်အီမိုႈ ဒုဉက္လဌ NDAA နီန်အောႏ။

ကူန်ရဝ်မာဂါင်ကဲ ဆံင်ခံတ်ဘည်ကိူဝ်ႈ SSPP ကဲတ ခြီရ် နီန် ခေဲင်ကီုင်းကုင်ငှေါ

ကူန်ရဝ်မာဂါင်ကဲ က္လာင်းဒါႈ ကဲဆံင်ခံတ် ဘည်ကိူဝ်ႈ တံပ်ဆီုက်ဆျှံမ် SSPP ကဲတ ခြီရ်နီန် ပအရာပ်ထိင်ခြဲတံပ်ဆီုက်တအာင်း TNLA ကဲ ခေဲင်လှံင်ကုင်ငှေါနီန်အောႏ။