Browsing Category

Ta’ang Edition

212 posts

ပအေဲမ်ကိုက် ခေဲင်ရဝ်ဟိုခိုနီန် ကောန်ဆီုက် SSPP ကဲ ပဲန်လည်ပဴန်လည်ပဴင်ခနားကဲ အူအီးယံမ်းဖါ်ႈ အူအီးကတူႈဖေးဘာတ်ဟာဝ်း

တိုအီးအရာပ်ကဲ အူအီးက္လာင်းတဖုင်ဆျှိုည်ဖီမျေဒါႈ ကပီုန်ဆျှံမ်ကဒါႇပိူည် ပလှံင်အေဲမ်ကိုက် ခေဲင်ခမိုရဝ်မိုင်းယုလေး ပရဝ်ဟိုခိုနီန် ကောန်ဆီုက် တံပ်ဆီုက်ဆျှံမ် SSPP ကဲ ခနားကဲ ပဲန်လည်ပဴင်ဟာဝ်း ကောန်ဆီုက်ကဲ အူအီးယံမ်းဖါ်ႈ အူအီးကတူႈဖေးဘာတ်ဟာဝ်းအောႏ။
  • Nway
  • December 27, 2025

ဂေါႇမိုႈကဲဘိအူန်း ကပုဆဘော စီပဲန်ဘ်ုပ်ဒဲႈပွံတ်ရိူန်း ငေါႈခ္လေါႈပ္လေါင် ကားအူကြောင်နီန် ပေန်ဆဲန်ဘျာ ပကီုင်းပြီမ်ဆ‌ဘော၊ ဘည်ဘိကဲတကပုနီန် နှေရ်ပွံတ်မိုႈ ကနာည်နံင်မှာန်းရိူန်း

ကညာကားအူအီး က္လာင်းတဆျှိုည်ဖီမျေဒါႈ ဂေါႇမိုႈကပုပ်ုန်လည်ဘိအူန်း တံပ်ကညာအာဏာဆီုက်ဇေဝ်ကဲကာည်း တံပ်ကိုးကာင်းကဲ ပကီုင်းဆဘော အ်ုန်အီမိုႈဒီပ်ုန်ႎီရ်ထိင်ခြဲအူန်း တံပ်ကညာအာဏာဆီုက်ဇေဝ်ကဲနီန် ညှံမ်ႎီရ်ႎိူဝ်ႈ စီပဲန်တိုအီးခေဲင်အရာပ်ကဲ ဘ်ုပ်ဒဲႈပွံတ် ငေါႈခ္လေါႈပ္လေါင်ဒီန် ပေန်ဆဲန်အောႏ။

တံပ်ကညာအာဏာဆီုက်ဇေဝ်ကဲ တိုည်းအူန်းအီအွံရ်ဒီရေဲန်ဇီုင်းမာဝ်းဂူႈနီန်အူလှေ ပမိုဂူႈ

ဘိူန်းအယ်နံပ်တောပ်ပ်ုန်က္လာင်း တိုအီးခေဲင်အရာပ်မိုဂူႈကဲဒါႈ အီအွံရ်ဒီရေဲန်ဇီုင်းမာဝ်းဂူႈ ပကီုင်းမိုဂူႈ ကပီုန်ဒါင်းမာန်းတလေး အ်ုန်အီမိုႈဒီပ်ုန်ထိင်ခြဲအူန်း တံပ်ကညာအာဏာဆီုက်ဇေဝ်ကဲနီန် ကတူႈအီးတိုည်းဟာဝ်း‌အောႏ။

တိုအီးရဝ်ပိန်းပြစ် ခြိူဝ်းမျိုးလီဆူ ကဲအီကတူႈတိုည်း ပမိုဂူႈနီန် 3အီး ဟည်ဘိူန်းဒေလေႈဒေဲႈ

တံပ်ကညာအာဏာဆီုက်ဇေဝ်ကဲ ဟည်လီပ်ဒေဲႈဖါ်ႈ ခေဲင်ကီုင်းမိုဂူႈ ကပီုန်ဒါင်းမာန်းတလေး ဘံန်လှေင်ဘြည်အူနှား ကောန်အီမာည်း ရဝ်ပိန်းပြစ် ခြိူဝ်းမျိုးလီဆူ ကဲအီကတူႈတိုည်းနီန် 3အီး ဟည်ဘိူန်းဒေလေႈဒေဲႈယာ့်အောႏ။

ခေဲင်ကီုင်းလာဆေဝ် 3 ဒီအာဝ်ယောမ် ပဲန်ဟာဝ်းအမှုပဒူႈ၊ နံင်မိူဝ်ႈအေ့တိုအီးဘာတ်

တိုအီးကီုင်းလာဆေဝ်ကဲအူအီး က္လာင်းတဖုင်ဆျှိုည်ဖီမျေဒါႈ အမှိူဝ် ကျံရ်ဒီဆဲမ်ဘာ ဆငည်း 21 စူန်အံပ် ကပံတ် 5 ဒိူန် ဒီထိင်ခြဲတံပ်ကညာအာဏာဆီုက်ဇေဝ်ကဲ ပကီုင်းလာဆေဝ် ဒီ 3 ဒီအာဝ်ယောမ် ပဲန်ဟာဝ်းအမှုပဒူႈ နံင်မိူဝ်ႈအေ့တိုအီးဘာတ်အောႏ။

ပမူစယ် ဒါႈဖါ်ႈနံင်ဘိူန်းဂီုန်း ရူရ်ႈကျံရ်နီန်စီတိုန်းကဲ ဒီယံင်းတိုပိုင်းကာမ ခေဲင်ကဲ အီကတူႈတိုန်း ပယုင်ဒီယံင်းတိုပိုင်းကာမ အ်ုန်အီမိုႈလှေပ်ုန်ဗိူဝ်ႈ တံပ်ပလိက်ကဲနီန် အ်ုန်တောပ် ကောန်အီပ်ုန်ဒဲႇ အဆာက် 14 ဆန်ုမ်

ဘိူန်းတခေါရ်နံပ် အ်ုန်အီမိုႈ ဒီကစာပ်ကုင်ကပိုမ် – ကုင်ခယ် ခေဲင်ကီုင်းမူစယ်နီန် ကဲဒါႈဖါ်နံင်ဘိူန်း ရူရ်ကျံရ်ဂီုန်းစီ ခ္လံဝ်းကောန်အီပ်ုန်ဒဲႇကဲစီ ဟာဝ်းတိုန်းကဲပယုင်ဒီယံင်းတိုပိုင်းကာမနီန်အောႏ။

ပလာဆေဝ် ကနာည်နံင်ဟာပ်ဆိုလာတံင်ကျောင် အထက (2)နီန် ကဲကံပ်ရိူန်းတကောန်ကျောင်ကဲ အူအီး 2 မှီုန်

ကူန်မာကောန်ကျောင်ကဲ က္လာင်းတဖုင်ဆျှိုည်ဖီမျေကဲဒါႈ ဒီပ်ုန်ႎီရ်ထိင်ခြဲ တံပ်ကညာအာဏာဆီုက်ဇေဝ်ကဲ ပကပီုန်ဆျှံမ်ကဒါႇပိူည် ခေဲင်ကီုင်းလာဆေဝ်နီန် ကနာည်နံင်ဟံပ်ကဲဆိုလာ ခေဲင်ကျောင်အထက (2)နီန် ကဲအီရံပ်ဇီုင်းကပ္လိူင်ခေဲင်ကျောင်ကဲ မှာန်းဟာဝ်းရိူန်းတကောန်ကျောင်ကဲ အူအီးနီန် 2 မှီုန်အောႏ။

ပအိုမ်ငျံရ် ကောန်အီမာည်းကဝ်အီဂေါည်ကဒံပ်တောပ်ကဲနီန် လီလာနဘာည်းဟာဝ်းတ ကောန်အီပ်ုန် အဆာက် 9 ဆန်ုမ်နီန်အူအီး

ဘိူန်းအယ်နံပ်တောပ်ဘည်က္လာင်း ရမာအ်ုန်ကဲဒါ; ဒီဘိူန်းတံပ်ဆီုက်တအာင်း TNLA ကဲတထိင်ခြဲ ပလှံင်အိုမ်ငျံရ် ခေဲင်ခမိုရဝ်ပန်ဆော့ ပရဝ်အူရဝ်နီန် ကောန်အီမာည်း ကဝ်အီဂေါည်ကဒံပ်တောပ်ဂါင်ကဲ အ်ုန်အီဘိူန်းအဆာက် 22 ဆန်ုမ်နီန်အူအီး လီလာနဘာည်းဟာဝ်းတ ကောန်အီပ်ုန် အ်ုန်အီဘိူန်းအဆာက် 9 ဆန်ုမ်နီန်အူအီးအော။
  • Nway
  • December 17, 2025

ပမိုဂူႈ တံပ်ကညာအာဏာဆီုကဇေဝ်ကဲ ပနိုက်ဖါ်ႈ ရဲင်ဘ္လောမ်ဆီုက်ကဲစီ ပဲန်ဟာဝ်းပ္လေါည်ကတီုက်ကပဴင်တောပ် တံပ်လံပ်တီုက်ႎှီုန်းကဲ

ကဝ်အီနံပ်ဘည်ခူရ်က္လာည်းအရာပ်ကဲ က္လာင်းတဖုင်ဆျှိုည်ဖီမျေဒါႈ ဂေါႇပ်ုန်လီပ်ကဇောည်ဒဲႈခယ်ကဲ တံပ်ကညာအာဏာဆီုက်ဇေဝ်ကဲ လီပ်ဟာဝ်းဖါ်ႈခေဲင်ကီုင်းမိုဂူႈ ကပီုန်ဒါင်းမန်တလေးနီန် ပနိုက်ဟာဝ်းဘိုး ရဲင်ဘ္လောမ်ဆီုက်ကဲအောႏ။
  • Nway
  • December 16, 2025

ပ 105 မဲင် ကားတာင်မာဝ်းဗျုင်နီန် ဘရိက်အ်ုန်ပဲန်ဖါ်ႈပဒူႈ စီလီပ်ဒူႈဟာဝ်းတိုအီးကဲ 2 အီးယံမ်းဖါ်ႈ 8 အီးကတူႈဖေး

ကောန်အီမာည်း ကဝ်အီနံပ် ဘည်မိုႈဘည်ဘာည်းနီန်အူအီးက္လာင်းဒါႈ ဒီဘိူန်းဘဝ်ကီုက်ဒါင်း 3 ဖုင်ကဲတထိင်ခြဲ ပလှံင်မူစယ် ခေဲင်ကီုင်း 105 မဲင်နီန် ကားတာင်မာဝ်းဗျုင်နီန်အူကြောင် ဘရိက်အ်ုန်ပဲန်ဖါ်ႈပဒူႈ စီလီပ်ဒူႈဟာဝ်းတိုအီးကဲ ဂေါႇဘည်ဒီန် 2 အီးယံမ်းဖါ်ႈ 8 အီးကတူႈဖေးဘာတ်ဟာဝ်းအောႏ။
  • Nway
  • December 16, 2025