Browsing Category

Ta’ang Edition

212 posts

တံပ်ကညာအာဏာဆီုက်ဇေဝ်ကဲ ဒါယာန်ပ်ုရ်ဒေဲႈပျောႈဟာဝ်းဘျုင် ပမာဝ်းႎံင်း ရဆိူဝ်ဒိူန် ဘည်တိူဝ်လယံမ်းကဲဂဲနီန်မာ်မိူဝ်ႈ

တိုအီးအရာပ်ကဲ က္လာင်းတဖုင်ဆျှိုည်ဖီမျေဒါႈ ဒီဘိူန်းတံပ်ဆီုက်တအာင်း TNLA ကဲတထိင်ခြဲ ပကီုင်းမာဝ်းႎံင်းနီန် တံပ်ကညာအာဏာဆီုက်ဇေဝ်ကဲ ဒါယာန်ပ်ုရ်ဒေဲႈပျောႈဟာဝ်းဘျုင် ခိင်အီတ်ဆငဲႈအီး ရဆိူဝ်ဒိူန် ဒီဘြေ့အ်ုန် ကဝ်အီယံမ်း 1 အီး ကာည်း 2 အီး ကတူႈဖေးဘာတ်အောႏ။

ဂေါႇမိုႈကတာည်းတက္လာႈ ပအိုမ်ယ်ုရ် ဂါရ်အူကောန်အူကူန် ယံမ်းဟာဝ်း

ဘိူန်းအယ်နံပ်တောပ်ပ်ုန်က္လာင်း တိုအီးရီမ်းပြောဂါင်ကဲဒါႈ ဂေါႇမိုႈကတာည်တက္လာႈ ပကီုင်းအိုမ်ယ်ုရ် ဇံင်ဇယန်းကြီး (8) ဒေင်ဟာဝ်းကဒါႇဒိုႈကျောင် စီပဲန်ဂါရ်အူကောန်အူကူန် ယံမ်းဟာဝ်းပွံတ် အူစာ်န်းအောႏ။

လံပ်တီုက်နာန်း 1027 ကရောပ်နိုက်လ 1ဆန်ုမ် (ဆာ်အာဝ်မိုႈ) ပ္လေါည်ကတီုက်ကပဴင် အီနံင်ပ္လဒဲႈ ကီုင်းနော်င်ခေဝ်

လံပ်တီုက်နာန်း 1027 ဒေါန်အာရ် အ်ုန်အီဘယ်ဒေတီုက်ဘိူန်း တောပ်ပည်ကီုင်းလာဆေဝ်၊ ကီုင်းနော်င်ခေဝ်၊ မာဝ်းႎံင်း၊ ဆဘော၊ မိူင်မီတ်ကာည်း ကပီုန်ဒါင်းမာန်းတလေး ကီုင်းမိုဂူႈ ကပီုန်ဆျှံမ်ကဒါႇပိူည် အ်ုန်အီဂေါည် ပတီုင်ကပ္လိူင်ဆီုက်ကဒါႇလေႈဆာင်ငည်း ကဒါႇက်ြုမ် တံပ်ကညာအာဏာဆီုက်ဇေဝ်ကဲနီန် ဟည်နိုက်ဒေဲႈ 1ဆန်ုမ်လလ အဒိူဝ် ကျံရ်ဇူန် ဆငည်း 25နီန်ယာ့်အောႏ။

ပလာဆေဝ် ကောန်အီပ်ုန် အ်ုန်အီယိူဝ်ႇဒေဲႈ ပက္လာႈနီန်အူအီး ကတူႈကောန်အီမာည်းအူဖုင်ကဲ ယီုဝ်ဆနာတ်တတိုအ်ုန်စီ စိုန်ဟာဝ်းဆဲင်ကယ်၊ ႎှုင်ကာည်း ဂြိုယတနာ

ကဝ်အီနံပ်ဘည်မိုႈဘည်ဘာည်းနီန်အူအီး က္လာင်းတဖုင်ဆျှိုည်ဖီမျေဒါႈ ပ်ုန်ႎီရ်ဘိူန်း တံပ်ကညာအာဏာဆီုက်ဇေဝ်ကဲတထိင်ခြဲ ပကီုင်းလာဆေဝ်နီန် ကောန်အီပ်ုန်အူအီး အ်ုန်အီယိူဝ်ႇဒေဲႈပက္လာႈနီန် ကတူႈကောန်အီမာည်းအူဖုင် ယီုဝ်ဆနာတ်တတိုအ်ုန် စီစိုန်ဟာဝ်းအ်ုန်အောႏ။

SSPP ကဲတိုည်းဟာဝ်း ကောန်တဘိုက်တအာင်းကဲ 5 အီးခနား အေဲမ်ခြီရ် ကာည်း မူစယ်

ဖုင်ယဲဆျှိုည်ဖီမျေတခေါရ်နံပ် တံပ်ဆီုက်ဆျှံမ် SSPP ကဲတိုည်းဟာဝ်း ကောန်တဘိုက်တအာင်းကဲ 5 အီး ပဂေတ်စေတ်မေန်းတိုအီး အေဲမ်ခြီရ် ကာည်း မူစယ်နီန်အောႏ။

UWSA ကဲ ဒဲႈတာမ်ယံမ်း စီပျံမ်းဟာဝ်း ကဝ်အီဖောက်ကဘေဲမ်နီန် ရီန်းဒေဒဝ် ကောန်ခယ်ကဝ်အီဇောႈတာမ်ကဘေဲမ်အူအီး

တံပ်ဆီုက် “ဝ” UWSA ပ္လိူရ်ႈလေႈ ခည်ကျံရ်ဇူန် ဆငည်း 16 ဒိူန်ဒါႈ ကဲဒဲႈတာမ်ယံမ်း စီပျံမ်းဟာဝ်း ကဝ်အီဖောက်ကဘေဲမ်နီန် စီရီန်းဒေဒဝ် ကဝ်အီဇောႈတာမ်ကဘေဲမ်နီန်အူဇိုအောႏ။

ပမိူင်းဘောက် ဂေါႇမိုႈဘည်ကိူဝ်ႈ မြေရှားသတ္တုနီန် ဆမာလတိုအီးခေဲင်အရာပ် စီပဲန် SHRF က္လာင်းကနာည်နံင်ဇံင်း၊ ကဲဒါႈ ကဲဟည်ကိူဝ်ႈဒေဲႈ မြေရှားသတ္တု ပအရာပ် UWSA ကဲနီန် 8ပူန်

ပမိူင်းဘောက် အ်ုန်အီမိုႈဒီပ်ုန်ထိင်ခြဲအူန်း တံပ်ဆီုက် ‘ဝ’ – UWSA ကဲနီန် ဂေါႇမိုႈဘည်ကိူဝ်ႈ မြေရှားသတ္တုနီန် ဆမာလတိုအီးခေဲင်အရာပ် စီပဲန် SHRF မှာန်းကနာည်နံင်ဇံင်းဒါ့်အောႏ။

တံပ်ကညာအာဏာဆီုက်ဇေဝ်ကဲ ဒါကာ 20ကြောင် ဒေဲႈပနိုက်ရဲင်ဘ္လောမ်ကဲ ကဒါႇနော်င်ခေဝ် ယိူဝ်ႇကဒါႇပြင်ဉီးလွင်၊ ပ္လေါည်ကတီုက်ကပဴင်ခနားကဲကာည်း TNLA ကဲ ဆီုင်ဒါ့်ပဲန်ရဲင်

ကဲအီနံပ်ဘည်မိုႈဘည်ဘာည်းကဲနီန် က္လာင်းတဆျှိုည်ဖီမျေဒါႈ တံပ်ကညာအာဏာဆီုက်ဇေဝ်ကဲ ဒါကားဆီုက် 20ကြောင် ယိူဝ်ႇကဒါႇပြင်ဉီးလွင် ဒေဲႈပနိုက်ရဲင်ဘ္လောမကဲ ကဒါႇရဝ်အုမ္မတီး လှံင်နော်င်ခေဝ် ကပီုန်ဆျှံမ်ကဒါႇပိူည်နီန်အောႏ။

ပတော်င်စီး ကဲဒဲႈတာမ်ရိူန်းတ ဆဴင်ကဲအီအာဝ်ခ္လါည်း ဘေဲႇဆဴင်ဘုက်ကဲကဒါႇဘြာန်ဒိူန် 2ဆဲန်

ကဝ်အီဂေါည်ပတော်င်စီးနီန်အူအီး က္လာင်းတဆျှိုည်ဖီမျေဒါႈ ပကီုင်းတော်င်စီး ကပီုန်ဆျှံမ်ကဒါႇက်ြုမ် အ်ုန်အီမိုႈဒီပ်ုန်ထိင်ခြဲ တံပ်ကညာအာဏာဆီုက်ဇေဝ်နီန် တံပ်ကညာအာဏာဆီုက်ဇေဝ်ကဲ ဆူည်ႇကညာဆဴင် ကဲအီအာဝ်ခ္လါည်း ဘေဲႇဆဴင်ဘုက်ဆဴင်ကဒါႇဘြာန်ဒိူန် ထာမ်းရိူန်းတာမ် 2ဆဲန်အောႏ။

ပမူစယ် ခံင်မဝ်းပ်ုန်ဘိူန်းတိုည်း ဖုင်တီုက်ယာႈခံင်မဝ်းကဲနီန် ကဲဟည်ႎီရ်ယံင်းဖါ်ႈ ခေဲင် KTV ကာည်း SPA ဟြီုက်ပဲန်လံပ်ဘြောင်ရိူန်းခြီရ်

ဘိူန်းအယ်တခေါရ်နံပ် မိုႈတ ခံင်မဝ်း Happy water, ရာမ၊ ice ကာည်း K ပ်ုန်ဘိူန်းတိုည်းအူန်း ဖုင်တီုက်ယာႈခံင်မဝ်း စနဲ (22) ပကီုင်းမူစယ် အ်ုန်အီမိုႈကီုင်းကအူရ်နီန် ကဲဟည်ႎီရ်ယံင်းဖါ်ႈ ခေဲင် SPA, KTV ပါ်ဒိုႇဒိုည်ႇကာည်း ယုင်ကတော်အီဒါင်း၊ ယုင်ကတော်အီဒဲႇ ကဲအီဂေါည်ခေဲင်ကီုင်းမူစယ် ဂီုည်ဟြီုက်ဖါ်ႈ ကနာည်အကျိုးတိုကဲအောႏ။