Ta’ang Edition

ကဝ်အီဂေါည်ခေဲင်ပ္လေါည်ကတိုက်ကပဴင်ကဲ က္လာင်းဒါႈ ဒီဘိူန်းတံပ်ဆီုက်တအာင်း PSLF/TNLA ကဲတထိင်ခြဲ ရီမ်းပြောကီုင်းနောင်ခေဝ်နီန် ဂေါႇမိုႈ တံပ်ကညာအာဏာဆီုက်ဇေဝ်ကဲ ဂီုည်ထိုးလီပ်ဒေဲႈစီပဲန်ကရဲင် ပ္လေါည်ကတီုက်ကပဴင်နီန်အောႏ။

ကဝ်အီဘိူန်း အခွါင်းအရေးကြောႈက္လာင်းခေဲင် PSLF/TNLA ကဲ အ်ုန်အီမိုႈ လိုည်းယေဦးက္လာင်း ခေဲင်ပ်ုန်ကဘ္လာင်းကဲတ ဆဒါင် အဒိူဝ် ကျံရ်ဇူန်လည် ဆငည်း 5 နီန်ဒါႈ ဒီဘိူန်းတံပ်ဆီုက်တအာင်းကဲတထိင်ခြဲ ပကီုင်းနောင်ခေဝ်နီန် ကနာည်နံင်အာဝ်က္လိုတ်ႎီရ် တံပ်ဆီုက်တအာင်းကဲ ဒါႇကီုင်းနောင်ခေဝ်နီန် ကဲနံင်ဆီုပ်တီုက်ဟာဝ်းအူန်းအောႏ။

ကဝ်အီဂေါည်ခေဲင်ပ္လေါည်ကတီုက်ပဴင်နီန် က္လာင်းတဖုင်ဆျှိုည်ဖီမျေဒါႈ ဒီဘိူန်းတံပ်ဆီုက်တအာင်း TNLA ကဲတထိင်ခြဲ ပကီုင်းနောင်ခေဝ်နီန် တံပ်ကညာအာဏာဆီုက်ဇေဝ်ကဲအီရောတ် ရီမ်းပြောမျက်ချင်းနုနီန် ကဲဟည်ထိုးလီပ်ဒေဲႈတီုက်ဟာဝ်းဘိုး ကနာည်နံင်ဘိူန်းကဲတ တံပ်ဒါင်းဒုံး(606)နီန်။

ဖုင်ယဲဆျှိုည်ဖီမျေတခေါရ်နံပ် ဒီဘိူန်းတံပ်ဆီုက်တအာင်း TNLA ကဲတထင်ခြဲ ကနာည်နံင်ႎီရ်ဘိူန်းကဲတ ကီုင်းနောင်ခေဝ်နီန် တံပ် ကညာအာဏာဆီုက်ဇေဝ်ကဲ ဟည်ရောတ်ရီမ်းပြောကီုင်းနောင်ခေဝ် ပရဝ်မျက်ချင်းနုနီန်အောႏ။