ခင်ဦးနယ်ထဲက စားသောက်ဆိုင်၊ ဆိုင်ခန်းနဲ့ ယာဉ်ကြောပိတ်ဆို့နေရာကို စစ်ကောင်စီတပ်က ဗုံးကြဲလို့ အနည်းဆုံး ၉ဦးသေဆုံးပြီး ၁၀ဦးထက်မနည်း ဒဏ်ရာရ
မနေ့ ဒီဇင်ဘာ ၂၇ရက်နေ့ နေ့လည်ပိုင်း ၁နာရီ ဝန်းကျင် ခင်ဦးမြို့နယ် အရှေ့ဘက်ခြမ်း၊ မြေနီလျှိုကျေးရွာအနီးကို စစ်ကောင်စီတပ်က ဂျက်ဖိုက်တာ ၁စီးနဲ့ MI 35 ၁စီးတို့နဲ့ လာရောက် ဗုံးကြဲတိုက်ခိုက်လို့ အရပ်သား ၉ဦးထက်မနည်းသေဆုံးပြီး ၁၀ဦးနဲ့အထက်က ဒဏ်ရာရရှိခဲ့တယ်လို့ ခင်ဦးမြို့နယ် ပြည်သူ့အုပ်ချုပ်ရေးအဖွဲ့က သတင်းထုတ်ပြန်ပါတယ်။
