ဘုတလင်တိုက်ပွဲအတွင်း စစ်ကောင်စီတပ်ဘက်က ၃၃ ဦး သေဆုံးပြီး ၂၀ ဦးကျော် ဒဏ်ရာရ

စစ်ကိုင်းတိုင်း ဘုတလင်မြို့နယ်မှာ စစ်ကောင်စီတပ်နဲ့ ဘုတလင်မြို့နယ် တပ်ပေါင်းစုစစ်ကြောင်း မဟာမိတ်ပူးပေါင်းတပ်ဖွဲ့တို့ တိုက်ပွဲဖြစ်ပွားခဲ့ပြီး စစ်ကောင်စီဘက်က ၃၃ ဦး သေဆုံးခဲ့ပြီး ၂၀ ဦးကျော် ဒဏ်ရာရခဲ့တယ်လို့ ဘုတလင်မြို့နယ် တပ်ပေါင်းစုစစ်ကြောင်းက ထုတ်ပြန်ထားပါတယ်။

တမူးမြို့နယ်မှာ အမျိုးသမီးတွေကိုပါ စစ်ကောင်စီတပ်က စစ်သင်တန်း ပေးနေ

စစ်ကိုင်းတိုင်း တမူးမြို့နယ် မင်းသာကျေးရွာမှာ အမျိုသမီးတွေကို စစ်ကောင်စီတပ်က ကျေးရွာလုံခြုံရေးအတွက် အခြေခံစစ်သင်တန်း ပေးနေတယ်လို့ ဒေသခံတွေဆီက သိရပါတယ်။

မြေပုံမြို့နယ်မှာ စစ်ရှောင်အမျိုးသား ၁ ဦး မိုးကြိုးပစ်ခံရလို့ သေဆုံး

ရခိုင်ပြည် မြေပုံမြို့နယ်မှာ စစ်ရှောင်အမျိုးသား ၁ ဦး မိုးကြိုးပစ်ခံတာကြောင့် သေဆုံးသွားခဲ့တယ်လို့ ဒေသခံ အမျိုးသားတစ်ဦးက ရွှေဖီမြေကို ပြောပါတယ်။

တိုက်ပွဲနဲ့မသက်ဆိုင်တဲ့ ကျောက်မဲနယ်ထဲက ကျေးရွာတစ်ခုကို စစ်ကောင်စီတပ်ဘက်က လေကြောင်း တိုက်ခိုက်မှု ထပ်လုပ်

ဒီနေ့ စက်တင်ဘာ ၉ရက်နေ့ မနက်အစောပိုင်း ၁နာရီ ဝန်းကျင်မှာ တိုက်ပွဲဖြစ်ပွါးခြင်းမရှိတဲ့ ကျောက်မဲနယ်ထဲကို စစ်ကောင်စီတပ်ဘက်က ဂျက်ဖိုက်တာ လေယာဉ်နဲ့ လေကြောင်းတိုက်ခိုက်မှု ပြုလုပ်သွားခဲ့တယ်လို့ ဒေသခံတွေထံက သိရပါတယ်။

သီပေါနဲ့ လားရှိုးနယ်က ရွာဘက်တွေမှာ ရောက်နေတဲ့ စစ်ဘေးရှောင် အယောက် ၂ထောင်ကျော်အတွက် အရေးပေါ်အကူအညီလိုအပ်

တအာင်းတပ်ထိန်းချုပ်ထားတဲ့ သီပေါမြို့နယ်နဲ့ ကိုးကန့်တပ်ထိန်းချုပ်ထားတဲ့ လားရှိုးမြို့နယ်မှာ ရောက်ရှိနေတဲ့ စစ်ဘေးရှောင် အယောက် ၂ ထောင်ကျော်အတွက် အရေးပေါ်အကူအညီလိုအပ်နေတယ်လို့ ဇာတိမြေကျောက်မဲ ပရဟိတအသင်းက ရွှေဖီမြေကို ပြောပါတယ်။

စစ်တပ်ပစ်လိုက်တဲ့ လက်နက်ကြီးကြောင့် ဖားကန့်ဆိပ်မူက ဒေသခံ ၇ ဦး ဒဏ်ရာရ

ကချင်ပြည်နယ် ဖားကန့်မြို့နယ် ဆိပ်မူကျေးရွာဘက်မှာ စစ်ကောင်စီတပ် ပစ်ခတ်လိုက်တဲ့ လက်နက်ကြီးကြောင့် ဆိတ်မူဒေသခံ ၇ ဦး ‌ဒဏ်ရာရခဲ့ပြီး နေအိမ်တွေလည်း ပျက်ဆီးခဲ့တယ်လို့ ဖားကန့်ဒေသခံဖြစ်တဲ့ Tarlin Mg က ပြောပါတယ်။

ကန့်ဘလူမှာ ကင်းလှည့်လာတဲ့ စစ်ကောင်စီစစ်ကြောင်းကို တော်လှန်ရေးအင်အားစုတွေ ကြားဖြတ်တိုက်ခိုက်လို့ ၇ ဦး သေဆုံး

စစ်ကိုင်းတိုင်းဒေသကြီး ကန့်ဘလူမြို့နယ်မှာ ကင်းလှည့်လာတဲ့ စစ်ကောင်စီနဲ့ ပျူစောထီးတပ်သား ၁၇ ဦးခန့်ကို ပြည်သူ့လွတ်မြောက်ရေးတပ်မတော် (PLA) နဲ့ တော်လှန်ရေးပူးပေါင်းတပ်တွေက ကြားဖြတ်တိုက်ခိုက်ခဲ့ပြီး စစ်ကောင်စီတပ်ဘက်က ၇ ဦး သေဆုံးခဲ့တယ်လို့ PLA က ဒီနေ့ စက်တင်ဘာ ၉ ရက်မှာ ထုတ်ပြန်ထားပါတယ်။

အုတ်ဖိုက ကျေးရွာ ၃ ရွာကို စစ်တပ်က လေထီးနဲ့ ဗုံးကြဲတိုက်ခိုက်တာကြောင့် အရပ်သား ၃ ဦးသေ၊ ၂ ဦး ဒဏ်ရာရ

ပဲခူးတိုင်း အုတ်ဖိုမြို့နယ်ထဲက ကျေးရွာ ၃ ရွာကို စစ်တပ်က လေထီးနဲ့ ဗုံးကြဲတိုက်ခိုက်ခဲ့တာကြောင့် အရပ်သား ၃ ဦး သေဆုံးပြီး ၂ ဦး ဒဏ်ရာရရှိခဲ့တယ်လို့ မြေအောက်ပြောက်ကျားတပ်ဖွဲ့ အုတ်ဖို့ရဲ့ ရဲဘော်အောင်ဇေယျမှ ရွှေဖီမြေကို ပြောပါတယ်။

လယ်မူလားမြို့နယ်က စစ်ကောင်စီတပ်စခန်းကို KNLA နဲ့ ပူးပေါင်းတပ်တွေက တိုက်ခိုက်သိမ်းပိုက်

ကရင်အမျိုးသားအစည်းအရုံး KNU ထိန်းချုပ်ထားတဲ့ တနင်္သာရီတိုင်း မြိတ်ထားဝယ်ခရိုင် လယ်မူလားမြို့နယ် ထမင်းမစားရွာအတွင်းမှာ တပ်စွဲထားတဲ့ စစ်ကောင်စီတပ်ရဲ့ တပ်စခန်းကို ကရင်အမျိုးသားလွတ်မြောက်ရေးတပ်မတော် KNLA နဲ့ ပူးပေါင်းတပ်တွေက ဒီနေ့ စက်တင်ဘာ ၈ ရက်မှာ တိုက်ခိုက်သိမ်းပိုက်နိုင်ခဲ့တယ်လို့ KNU က ထုတ်ပြန်ပါတယ်။

နမ့်ခမ်းက KTV ဆိုင်တွေ ရက်အကန့်အသတ်မရှိ ပိတ်ထား

တအာင်းတပ် PSLF/ TNLA ထိန်းချုပ်ထားတဲ့ ရှမ်းမြောက် နမ့်ခမ်းမြို့အတွင်းက ဖွင့်လှစ်ထားတဲ့ KTV ဆိုင်တွေအားလုံး ရက်အကန့်အသတ်မရှိ ပိတ်ထားဖို့ TNLA က အသိပေး ကြေညာထားတယ်လို့ သိရပါတယ်။