ပြည်တွင်းသတင်း

စစ်ကိုင်းတိုင်း ရွှေဘိုမြို့နယ် ငပိအိုးရွာကို စစ်တပ်က ဗုံးကြဲလို့ အရပ်သား ၃ ဦး ထိခိုက်သေဆုံးခဲ့တယ်လို့ Wetlet Informational Network တာဝန်ရှိသူတစ်ဦးက ရွှေဖီမြေကို ပြောပါတယ်။

မွန်ပြည်နယ် ဘီးလင်းမြို့အခြေစိုက် စစ်ကောင်စီရဲ့ ခြေမြန်တပ်ရင်း (ခမရ ၃)က ပစ်ခတ်တဲ့ လက်နက်ကြီးဟာ အလူးကြီးအနောက်ခြမ်းရွာထဲ ကျရောက်ပေါက်ကွဲခဲ့ပြီး ရွာထဲက မြေးအဖွား ၂ ဦး သေဆုံးသွားခဲ့တယ်လို့ သိရပါတယ်။

အာရက္ခတပ်တော်(AA) ထိန်းချုပ်ထားတဲ့ ရခိုင်ပြည်နယ်၊ ပုဏ္ဏကျွန်းမြို့နယ်နဲ့ မင်းပြားမြို့နယ်ကို စစ်ကောင်စီတပ်က လေကြောင်း တိုက်ခိုက်လို့ စတားလင့် အသုံးဆောင်ပစ္စည်းနဲ့ အဆောက်အဦးတချို့တို့ ထိခိုက်ပျက်စီးသွားခဲ့တယ်လို့ ဒေသခံတွေက ရွှေဖီမြေသို့ ပြောပါတယ်။

ကိုးကန့်တပ် – MNDAA ထိန်းချုပ်ဒေသ လောက်ကိုင်မြို့ကနေ မြန်မာ – တရုတ် နယ်စပ်ကုန်သွယ်ရေးဂိတ်တည်ရှိရာ ချင်းရွှေဟော်အထိ ဆက်သွယ်ထားတဲ့ ၁၈ မိုင် (၃၀ ကီလိုမီတာ) အရှည်ရှိ လမ်းကို တိုးချဲ့ဆောက်လုပ်နေတယ်လို့ သိရပါတယ်။

မန္တ လေးတိုင်း မန္တလေး အလယ်ပိုင်းတိုင်း စစ်ဌာနချုပ်မှာ ဗိုလ်ချုပ်ကြီး မင်း‌အာင်လိူင်က မန္တလေး မင်းဝတ်တန်ဆာဝတ်ဆင်ပြီး ယတြာချေဖို့ ခေတ္တတည်းခိုးစဉ် ရှော့တိုက်ဒုံး ၅ လုံးပစ်ခတ်ခံခဲ့ရတယ်လို့ သိရပါတယ်။

တော်လှန်ရေးတပ်တွေ ထိန်းချုပ်ထားတဲ့ စစ်ကိုင်းတိုင်း ဝက်လက်မြို့နယ် ပေါက်ကံရွာကို စစ်ကောင်စီတပ်က အသေခံဒရုန်းနဲ့ ဗုံးကြဲတိုက်ခိုက်ခဲ့ပြီး အရပ်သား ၂ ဦးထိခိုက်ဒဏ်ရာရခဲ့တယ်လို့ သိရပါတယ်။