မန္တလေး-မိုးကုတ်လမ်းမကို ထိန်းချုပ်ဖို့ စစ်ကောင်စီတပ်က အင်အားအလုံးအရင်းနဲ့ သပိတ်ကျင်းဘက်ကနေ ထိုးစစ်ဆင်လာလို့ တိုက်ပွဲပြင်းထန်နေ၊ လမ်းမကြီးပေါ်ရှိ ဇရပ်ကွင်းနဲ့လိပ်ကျရွာက ဒေသခံတွေ ထွက်ပြေးတိမ်းရှောင်
သပိတ်ကျင်းမြို့ကို သိမ်းပိုက်ထားပြီးနောက် တိုက်ပွဲရပ်တန့်ထားတဲ့ စစ်ကောင်စီတပ်ဟာ အင်အားတွေ ထပ်မံဖြည့်တင်းပြီးနောက် မန္တလေး-မိုးကုတ်လမ်းမကြီးကို ထိန်းချုပ်ဖို့ မြေပြင်နဲ့ဝေဟင်ကနေ ထိုးစစ်ဆင်တိုက်ခိုက်နေပြီး အခု လမ်းမကြီးပေါ်မှာရှိတဲ့ ဇရပ်ကွင်းနဲ့ လိပ်ကျက ကျေးရွာခံတွေ ထွက်ပြေးတိမ်းရှောင်နေကြရတယ်လို့ ဆိုပါတယ်။
စစ်ကောင်စီတပ် ပစ်ခတ်လိုက်တဲ့ လက်နက်ကြီးကြောင့် ကျောက်မဲမြို့နယ် မက်မန်းကုန်းသာရွာက လင်မယား ၂ ဦး ပွဲချင်းပြီး သေဆုံး
တအာင်းတပ်မတော် – PSLF/TNLA ထိန်းချုပ်ထားတဲ့ ကျောက်မဲမြို့နယ် နားအိုက်ခန့်အုပ်စု မက်မန်းကုန်းသာကျေးရွာမှာ စစ်ကောင်စီတပ် ပစ်ခတ်လိုက်တဲ့ လက်နက်ကြီးကြောင့် လင်မယား ၂ ဦး ပွဲချင်းပြီး သေဆုံးသွားတယ်လို့ သိရပါတယ်။
ကျောက်မဲကို ထိုးစစ်ဆင်နေတဲ့ စစ်ကောင်စီတပ်စစ်ကြောင်း ပင်တိန်မှာပဲ သောင်တင်နေ
တအာင်းတပ် – PSLF/TNLA ထိန်းချုပ်ထားတဲ့ ရှမ်းမြောက် ကျောက်မဲမြို့ကို ပြန်လည်သိမ်းပိုက်ဖို့ ထိုးစစ်ဆင်နေတဲ့ စစ်ကောင်စီတပ်တွေက ရှေ့တိုးလာနိုင်ခြင်း မရှိသေးဘဲ နောင်ပိန်အုပ်စု ပင်တိန်ကျေးရွာမှာပဲ သောင်တင်နေတယ်လို့ စစ်ရေးသတင်းရင်းမြစ်တွေက ရွှေဖီမြေကို ပြောပါတယ်။
