လောင်တလိုင်ခရိုင်ဘက် တိမ်းရှောင်ကြတဲ့ ပလက်ဝ စစ်ရှောင်နေအိမ် ၁၀၀ ကျော် ရေနစ်မြှုပ်ပြီး ရေဘေးသင့်သူ ၆၀၀ ကျော်ရှိ
အိန္ဒိယနိုင်ငံ မီဇိုရမ်ပြည်နယ် လောင်တလိုင်ခရိုင်မှာ မြစ်ရေ မြှင့်တက်မှုကြောင့် ပလက်ဝ ချင်းစစ်ဘေးရှောင်နေအိမ် ၁၀၀ ကျော် ရေထဲ နစ်မြှုပ်ပြီး စစ်ဘေးရှောင် ၆၀၀ ကျော်ဟာ ရေဘေးသင့်ခဲ့တယ်လို့ စစ်ဘေးရှောင်တွေဆီက သိရပါတယ်။
SSPP နဲ့ MNDAA တိုက်ပွဲမှာ MNDAA တပ်သား ၁၀ ဦး ကျဆုံး
ရှမ်းမြောက် လားရှိုးမြို့နယ် ဟန်နားကျေးရွာအုပ်စု နားလိုင်နဲ့ နမ့်လုတ်ရွာကြား ရှမ်းတပ်မတော် SSPP နဲ့ ကိုးကန့်တပ်မတော် MNDAA တိုက်ပွဲမှာ MNDAA တပ်သား ၁၀ ဦး ကျဆုံးတဲ့အပြင် ထိခိုက်ဒဏ်ရာရတဲ့သူလည်း ရှိတယ်လို့ ဖြစ်စဉ်သိရသူ ဒေသခံတစ်ဦးက ရွှေဖီမြေကို ပြောပါတယ်။
တိုက်ပွဲဖြစ်ပွားတာမရှိဘဲ ၄ မိုင်ရွာ စာသင်ကျောင်းကို စစ်ကောင်စီ ဗုံးကြဲလို့ နှစ်ထပ်ကျောင်းဆောင် ပျက်စီး
တိုက်ပွဲဖြစ်ပွားတာမရှိဘဲ မန္တလေးတိုင်း သပိတ်ကျင်းမြို့နယ် ၄ မိုင်ရွာက စာသင်ကျောင်းကို စစ်ကောင်စီက ဗုံးကြဲခဲ့လို့ နှစ်ထပ်ကျောင်းဆောင် တစ်ဆောင် ပျက်စီးခဲ့ကြောင်း ပြင်ဦးလွင်ခရိုင် ပကဖ သတင်းပြန်ကြားရေးတာဝန်ခံတစ်ဦးရဲ့ ပြောပြချက်အရ သိရပါတယ်။
မိုးဆက်တိုက် ရွာသွန်းတာကြောင့် နမ့်ဆန်က နေရာတချို့မှာ မြေပြိုမှုဖြစ်၊ မြေနိမ့်ပိုင်းနဲ့ လျှိုမြောင်းအနီးမှာ နေထိုင်လို့ မသင့်ကြောင်း ပြော
မိုးဆက်တိုက် ရွာသွန်းတာကြောင့် နမ့်ဆန်မြို့ပေါ်က နေရာတချို့နဲ့ ကျေးရွာပိုင်းတွေမှာ မြေပြိုတာတွေ ဖြစ်ပွားနေတာကြောင့် လူထုတွေအနေနဲ့ မြေပြန့်ရာနေရာနဲ့ ခြောက်သွေ့တဲ့ နေရာတွေမှာ ရွေ့ပြောင်းနေထိုင်ကြဖို့ နမ့်ဆန်ဒေသခံတချို့နဲ့ တက်ကြွလူငယ်တွေက ပြောပါတယ်။
