မော်လမြိုင်နဲ့ရန်ကုန်မှာ ၁၃/ မှတ်ပုံတင် ကိုင်ဆောင်ထားတဲ့သူကို လိုင်းကားစီးခွင့်နဲ့ တည်းခိုခွင့်မပေး
မွန်ပြည်နယ် မော်လမြိုင်မြို့နဲ့ ရန်ကုန်တိုင်းမှာ ၁၃/ မှတ်ပုံတင် ကိုင်ဆောင်သူတွေကို တည်းခိုခန်းနဲ့ ဟိုတယ်မှာတည်းခိုခွင့်မပေးတဲ့အပြင် လိုင်းကားတွေလည်း စီးခွင့်မရကြောင်း ကိုယ်တိုင်ကြုံခဲ့ရသူတွေရဲ့ ပြောပြချက်အရ သိရပါတယ်။
စဥ့်ကူးနဲ့ ကျောက်မြောင်းကို ဆက်သွယ်ထားတဲ့ ရတနာသိင်္ခတံတားကို စစ်ကောင်စီပြန်ထိန်းချုပ်၊ စဥ့်ကူးနဲ့ သပိတ်ကျင်းမြို့နယ်တစ်ခုလုံး ပြန်ရရေး ဆက်လက်ထိုးစစ်ဆင်နေ
တော်လှန်ရေးတပ်တွေ ထိန်းချုပ်ထားတဲ့ စဥ့်ကူးမြို့ကို ပြန်ရပြီးနောက် စစ်ကောင်စီတပ်ဟာ စဥ့်ကူးနဲ့ ကျောက်မြောင်းမြို့နယ်ကို ဆက်သွယ်ထားတဲ့ ရတနာသိင်္ခတံတားကို ပြန်ထိန်းချုပ်နိုင်ခဲ့တယ်လို့ စစ်ကောင်စီက ထုတ်ပြန်ပါတယ်။
ဝက်လက်မြို့နယ် ငါးပတ်ချောင်းရွာကို စစ်ကောင်စီတပ်က ဗုံးကြဲတိုက်ခိုက်လို့ ဒေသခံ ၃ ဦးသေဆုံး
စစ်ကိုင်းတိုင်း ဝက်လက်မြို့နယ် ငါးပတ်ချောင်းရွာကို စစ်ကောင်စီတပ်က လေကြောင်းကနေ ဗုံးကြဲတိုက်ခိုက်ခဲ့တာကြောင့် အမျိုးသမီး ၂ ဦးအပါအဝင် ဒေသခံ ၃ ဦးသေဆုံးခဲ့တယ်လို့ Wetlet Information Network မှ တာဝန်ရှိသူ ကိုမုန်တိုင်းက ရွှေဖီမြေကို ပြောပါတယ်။
