Lway Htwe

520 posts

မိုင်ဂျာယန်မှာ လူသတ်မှုနဲ့ အကျဉ်းကျနေသူနှစ်ဦး အခန်းနံရံဖောက်ပြီး ထွက်ပြေးလွတ်မြောက်

ကချင်ပြည်နယ် KIO/KIA ထိန်းချုပ်ရာဒေသဖြစ်တဲ့ မိုးမောက်မြို့နယ် မိုင်ဂျာယန်ထောင်ကြီးမှာ လူသတ်မှုနဲ့ အကျဉ်းကျနေသူ နှစ်ဦးက ပြီးခဲ့တဲ့ ဒီဇင်ဘာလ ၂၇ ရက် မနက်အစောပိုင်းမှာ တခြားအကျဉ်းသားတွေကိုပါ ခြိမ်းခြောက်ပြီး အခန်းနံရံ ထွင်းဖောက်ထွက်ပြေးသွားကြောင်း ဒေသခံတွေဆီက သိရပါတယ်။

လားရှိုးမှာ ရွေးကောက်ပွဲလုပ်ပြီး နောက်တစ်ရက် စစ်ကောင်စီနဲ့ ကိုးကန့်တပ် ထပ်မံတွေ့ဆုံ

ရှမ်းမြောက် လားရှိုးမြို့မှာ ရွေးကောက်ပွဲပြုလုပ်ပြီးနောက် ပြီးခဲ့တဲ့ ဒီဇင်ဘာ ၂၉ ရက်မှာ စစ်ကောင်စီအဖွဲ့နဲ့ ကိုးကန့်တပ်မတော် MNDAA တို့ ထပ်မံတွေ့ဆုံ ဆွေးနွေးခဲ့တယ်လို့ သိရပါတယ်။

မန်တုံမှာ တအာင်းရဲတပ်ဖွဲ့က မူးယစ်ဆေးဝါးစစ်ဆေးချိန် ထွက်ပြေးတာကြောင့် ပစ်ခတ်မှု ဖြစ်ပွားခဲ့ရာ အမျိုးသားတစ်ဦး သေဆုံး

တအာင်းဒေသ မန်တုံမြို့နယ် နမ့်ဟိုင်း(မိုင်းဘော်)ရွာမှာ တအာင်းတပ်ရဲ့ ရဲတပ်ဖွဲ့တွေက မူးယစ်ဆေးဝါး ဝင်ရောက်စစ်ဆေးနေချိန် အမျိုးသားတစ်ဦး ပစ်ခတ်ခံရပြီး သေဆုံးသွားခဲ့တယ်လို့ ရွှေဖီမြေက စုံစမ်းသိရှိရပါတယ်။

ဖလမ်းတိုက်ပွဲမှာ တပ်ကြပ်ကြီးတစ်ဦးအပါအဝင် စစ်ကောင်စီတပ်ဖွဲ့ဝင် ၃ ဦး သေဆုံးပြီး ၄ ဦး အရှင်ဖမ်းဆီးရမိ

ချင်းပြည်နယ်၊ ဖလမ်းမြို့အနီးက Khuangli ရွာ တိုက်ပွဲမှာ တပ်ကြပ်ကြီးတစ်ဦးအပါအဝင် စစ်ကောင်စီ တပ်ဖွဲ့ဝင် (၃) ဦး သေဆုံးခဲ့ပြီး စစ်သုံ့ပန်း (၄) ဦး ဖမ်းဆီးရမိခဲ့တယ်လို့ ရှေ့တန်း စစ်ရေးသတင်းမြစ်က ရွှေဖီမြေသို့ ပြောပါတယ်။

ကသာမှာ တိုက်ပွဲဆက်လက်ဖြစ်ပွားနေ

စစ်ကိုင်းတိုင်းအထက်ပိုင်း ကသာမြို့ရှိ စစ်ကောင်စီတပ်ကို တော်လှန်ရေး တပ်ဖွဲ့တွေက ဒီဇင်ဘာလ ၂၈ ရက်နေ့ကစပြီး ထိုးစစ်ဆင်လာတာကြောင့် နေ့စဉ်တိုက်ပွဲဖြစ်ပွားနေကြာင်း ဒေသခံတွေဆီက သိရပါတယ်။

သံတွဲမှာ လေကြောင်းတိုက်ခိုက်ခံရ၊ ကလေးအပါအဝင် အရပ်သား ၉ ဦး သေဆုံး

ရခိုင်ပြည်နယ်၊ သံတွဲမြို့နယ်၊ ငပလီမြို့၊ လင်းသာရပ်ကွက်နဲ့ ကျင်းကန်ကြီးရွာကို စစ်ကောင်စီတပ်က လေကြောင်းဗုံးကြဲတိုက်ခိုက်လို့ ကလေးအပါအဝင် အရပ်သား ၉ ဦး သေဆုံးပြီး အများပြား ထိခိုက်ဒဏ်ရာရရှိခဲ့တယ်လို့ ဒေသခံတွေဆီက သိရပါတယ်။

ဗန်းမော်က ကံကြီးရွာမှာ တိုက်ပွဲဖြစ်ပွားခြင်းမရှိပဲ စစ်ကောင်စီက လေကြောင်းဗုံးကြဲလို့ အရပ်သားတွေ ထိခိုက်သေဆုံးတာနဲ့ နေအိမ်တွေ မီးလောင်ပျက်စီး

ကချင်ပြည်နယ်၊ ဗန်းမော်ခရိုင်၊ ဗန်းမော်မြို့နယ်၊ ကမ္ဘနီကျေးရွာအုပ်စု၊ ကံကြီးကျေးရွာမှာ တိုက်ပွဲဖြစ်ပွားခြင်းမရှိပဲ စစ်ကောင်စီတပ်က ပြီးခဲ့တဲ့ ဒီဇင်ဘာလ ၂၈ ရက် နေ့လည်ပိုင်းမှာ လေကြောင်းဗုံးကြဲတိုက်ခိုက်လို့ အရပ်သားတွေ ထိခိုက်သေဆုံးကာ နေအိမ်တွေပါ မီးလောင်ပျက်စီးခဲ့ကြောင်း ဒေသခံတွေဆီက သိရပါတယ်။

TLEF ဖွင့်လှစ်တဲ့ လက်ဖက်မြေ နိုင်ငံရေး သိပ္ပံကျောင်းရဲ့ ဒီပလိုမာဘွဲ ပေးအပ်တဲ့ အခမ်းအနား

လက်ဖက်မြေ ပညာရေး ဖောင်ဒေးရှင်း- TLEF က ဦးစီးပြီး ဖွင့်လှစ်တဲ့ ၂ နှစ်ကြာ လက်ဖက်မြေနိုင်ငံရေးသိပ္ပံကျောင်း- TLSPS အပတ်စဉ် ၃ ဒီပလိုမာဘွဲ့ ပေးအပ်တဲ့ အခမ်းအနားကို ဒီဇင်ဘာ ၂၅ ရက်က နမ့်ဆန်မြို့မှာ ကျင်းပခဲ့ပါတယ်။

ဖလမ်းမှာ လေကြောင်း တိုက်ခိုက်လို့ ဘုရားကျောင်းအပါအဝင် နေအိမ် ၂၀ လုံးထက်မနည်း ပျက်စီး

ချင်းပြည်နယ်၊ ဖလမ်းမြို့နယ်၊ သီးဖီရ်ရွာမှာ စစ်ကောင်စီတပ် လေကြောင်း ဗုံးကြဲ တိုက်ခိုက်လို့ ဘုရားကျောင်းအပါအဝင် နေအိမ် ၂၀ လုံးထက်မနည်း ထိခိုက်ပျက်စီးသွားတယ်လို့ ဒေသခံအမျိုးသားတဦးက ရွှေဖီမြေသို့ ပြောပါတယ်။

ပျူခေါင်းဆောင်သီတာယုမွန်ရဲ့ အဖွဲ့ဝင်သုံးဦးကို တော်လှန်ရေးပူးပေါင်းတပ်ဖွဲ့တို့က ဖမ်းဆီးရမိ

မန္တလေးတိုင်း မြင်းခြံမြို့နယ်မှာ ပျူခေါင်းဆောင်သီတာယုမွန်ရဲ့ အဖွဲ့ဝင် ၃ ဦးကို ဖမ်းဆီးရမိခဲ့တယ်လို့ ထနောင်းမြေစစ်ကြောင်းက ထုတ်ပြန်လာပါတယ်။