မိုးကုတ်က ကျောက်လုပ်ကွက်တစ်ခုက မန်နေဂျာကို စစ်ကောင်စီတပ်က ဖမ်းဆီး

လွေးထွေး၊ ဒီဇင်ဘာ ၂၄ ရက်၊ မိုးကုတ်

‎စစ်ကောင်စီတပ် ထိန်းချုပ်ထားတဲ့ မန္တလေးတိုင်း မိုးကုတ်မြို့မှာ ကျောက်လုပ်ကွက်တစ်ခုက မန်နေဂျာတစ်ဦး ဖမ်းဆီးခံခဲ့ရကြောင်း မိုးကုတ်ဒေသခံတွေရဲ့ ပြောပြချက်အရ သိရပါတယ်။

‎‎ဒီဇင်ဘာ ၂၀ ရက်က ‌မိုးကုတ်မြို့ ကျောက်မျက်လုပ်ကွက် မန်နေဂျာ အသက် ၃၂ နှစ်အရွယ် ကိုကျော်စိုး ဆိုသူက ခုံကြေးလာကောက်ချိန်မှာ ဖမ်းခံခဲ့ရတာ ဖြစ်ပါတယ်။

‎မိုးကုတ်ဒေသခံအမျိုးသားက “ထာပွဲ ခုံကြေးလာကောက်လို့ ဖမ်းတာ။ သူက TNLA လက်ထက်ကတည်းက အလုပ်လုပ်တာဆိုတော့လေ” လို့ ပြောပါတယ်။

‎၎င်းဖမ်းဆီးခံရသူအမျိုးသားဟာ ဒီနေ့ ဒီဇင်ဘာ ၂၄ ရက်အထိ ပြန်မလွှတ်သေးကြောင်း အထက်ပါအမျိုးသားက ဆိုပါတယ်။

‎‎အလားတူ ပြီးခဲ့တဲ့ ဒီဇင်ဘာ ၁ ရက်ကလည်း မိုးကုတ်မြို့အဝင် ၅ မိုင်ဂိတ်မှာ ပိန်းပြစ်လီဆူရွာခံ ၃ ဦး ဖမ်းဆီးခံခဲ့ရပြီး ဒီဇင်ဘာ ၁၉ ရက်မှာ ပြန်လွှတ်လာခဲ့တာ ဖြစ်ပါတယ်။

~ ~ ~

ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

Shwe Phee Myay YouTube

Shwe Phee Myay Telegram