ရွှေဖီမြေ၊ ဇန်နဝါရီ ၂၁ ရက်
အာရက္ခတပ်တပ်တော် – AA ထိန်းချုပ်မြို့နယ်အတွင်းရှိ စစ်သုံ့ပန်းထိန်းသိမ်းထားတဲ့ နေရာတွေကို စစ်ကောင်စီတပ်က ဂျက်ဖိုက်တာနဲ့ ဗုံး ၄ လုံးကြဲချခဲ့တာကြောင့် ဗုံးကြဲခံရတဲ့နေရာအနီးမှာရှိတဲ့ စစ်သုံ့ပန်းတွေနဲ့ တပ်ဖွဲ့မိသားစုဝင်တချို့ ပွဲချင်းပြီး သေဆုံးသွားခဲ့တယ်လို့ AA က ထုတ်ပြန်ခဲ့ပါတယ်။
ဖြစ်စဥ်က မနေ့ ဇန်နဝါရီ ၂၀ ရက် ည ၇ နာရီခွဲဝန်းကျင်မှာ စစ်ကောင်စီတပ်က ဂျက်ဖိုက်တာ ၂ စီးနဲ့ ကျောက်တော်မြို့နယ်နဲ့ ပုဏ္ဏားကျွန်းမြို့နယ်တို့ရဲ့ နယ်စပ်မှာရှိတဲ့ ချောင်းတူ (ဆောင်းဒုံ) ကျေးရွာ အနောက်ဘက်ကို ဗုံး ၄ လုံးကြဲချခဲ့တာ ဖြစ်ပါတယ်။
အဲဒီဗုံးကြဲချတိုက်ခိုက်မှုကြောင့် အနီးအနားမှာရှိတဲ့ စစ်သုံ့ပန်းတချို့နဲ့ သူတို့ရဲ့ မိသားစုဝင်တွေ ပွဲချင်းပြီး သေဆုံးသွားခဲ့တယ်လို့ ဆိုပါတယ်။
ဒါ့အပြင် စစ်ကောင်စီဗုံးကြဲတိုက်ခိုက်လို့ သေဆုံးသွားတဲ့ စစ်သုံ့ပန်းတွေဟာ မကြာခင်မှာ AA က ပြန်လွှတ်ပေးမယ့် စစ်ကောင်စီတပ်သားတွေသာ ဖြစ်တယ်လို့ ဆိုပါတယ်၊
သေဆုံးသွားတဲ့ စစ်သုံ့ပန်းတွေနဲ့ မိသားစုဝင်တွေရဲ့ စာရင်းကို ချက်ချင်းထုတ်ပြန်တာမရှိပေမဲ့ တိုက်ခိုက်မှုရဲ့ နောက်ဆက်တွဲကို ဆက်လက်ဖော်ပြသွားမယ်လို့ ဆိုပါတယ်။
~ ~ ~
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
