ရဲမာန်၊ ဖေဖော်ဝါရီ ၁၃ ရက်၊ ဆားလင်းကြီး
စစ်ကိုင်းတိုင်း ဆားလင်းကြီးမြို့နယ်အခြေစိုက် တော်လှန်ရေးတပ်ဖွဲ့တွေရဲ့ တပ်စခန်းတစ်ခုကို စစ်ကောင်စီတပ်က လေကြောင်းကေနေ ဗုံးကြဲတိုက်ခိုက်လို့ တော်လှန်ရေးတပ်ဖွဲ့ဝင် ၁၂ ဦး ကျဆုံးခဲ့တယ်လို့ ဒေသခံအမျိုးသားတစ်ဦးက ရွှေဖီမြေကို ပြောပါတယ်။
စစ်ကောင်စီတပ်က ပြည်ထောင်စုနေ့ဖြစ်တဲ့ မနေ့ ဖေဖော်ဝါရီ ၁၂ ရက် နေ့လယ် ၁ နာရီမှာပဲ ဂျိုင်ရိုကော်ပါတာ ၂ စီးနဲ့ ဗုံးကြဲတိုက်ခိုက်ခဲ့တာဖြစ်တယ်လို့ ဆိုပါတယ်။
၎င်းက “ကတုတ်ကျင်းထဲ ရောက်တယ်။ ယမ်းတွေရောထားတာဆိုတော့ အဲတဲပေါ်ကြတော့ အကုန်မီးလောင်ကုန်တာ။ ၁၂ ဦး ကျသွားတယ်”
အလားတူ မနေ့ ပြည်ထောင်စုနေ့မှာဘဲ စစ်ကောင်စီတပ်က ရခိုင်ပြည်နယ် မြောက်ဦးနဲ့ ကျောက်တော်မြို့တွေကို လေကြောင်းကနေ ဗုံးကြဲတိုက်ခိုက်လို့ အရပ်သား ၇ ဦး သေဆုံးပြီး ၁၆ ဦး ဒဏ်ရာရရှိခဲ့တယ်လို့ သိရပါတယ်။
ပြီးခဲ့တဲ့ ဖေဖော်ဝါရီ ၆ ရက် မနက် ၉ နာရီဝန်းကျင်မှာလည်း စစ်ကောင်စီတပ်က နတ်တလင်းမြို့နယ်က တော်လှန်ရေးတပ်ဖွဲ့တွေရဲ့ ကာကင်းစခန်းတစ်ခုပေါ်မှာ ဒရုန်းနဲ့ ဗုံးသီးကြဲချတိုက်ခိုက်ခံရလို့ တော်လှန်ရေးရဲဘော် ၆ ဦး ကျဆုံးခဲ့တဲ့ ဖြစ်စဉ်လည်း ဖြစ်ပွားခဲ့ပါတယ်။
~ ~ ~
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
